«Սերժի Վաչոյի» տան խուզարկությամբ միլիոններ են հայտնաբերվել. դրանք հանձնվեցին Կենտրոնական բանկ
Բաց մի թողեք
«ՀԺ» տեղեկություններով, երեկ հարուցված քրեական գործի շրջանակում խուզարկություն է կատարվել Սերժ Սարգսյանի թիկնազորի պետ, գեներալ Վաչագան Ղազարյանի բնակարանում:
Բանն այն է, որ «Յանս» ակումբի սեփականատերը Վաչագան Ղազարյանի կինն է:
Հենց Վաչագան Ղազարյանի բնակարանի խուզարկությամբ է առանձնապես խոշոր չափի կանխիկ գումար հայտնաբերվել:
ՀՀ քննչական կոմիտեի նախագահի խորհրդական Սոնա Տռուզյանը մեր զրույցում ասաց, որ քրեական գործի շրջանակում կատարված խուզարկություններով հայտնաբերվել է 1.100.400 դոլար, 230 հազար 500 եվրո, 36 միլիոն դրամ: Տռուզյանն ասաց, որ այն ի պահ է հանձնվել ՀՀ կենտրոնական բանկին, մինչեւ քննությամբ կպարզվի դրանց ծագումը:
Նշենք, որ սա, ըստ էության, առաջին անգամ է, երբ խուզարկությամբ բնակարանից առանձնապես խոշոր չափի գումար է հայտնաբերվում:
Մեր տեղեկություններով, այս գործով դեռ միակ մեղադրյալը հաշվապահն է, որն էլ ցուցմունք է տվել «Յանս» ակումբի տնօրինության դեմ: Բացի այդ՝ երեկ խուզարկությամբ հայտնաբերված ատրճանակները մեր տեղեկություններով, օրինական են եղել:
1
2
3
4
5
1
2
4
5
2
4
