Հարձակում ոստիկանական ուսումնարանի վրա․ 6 տասնյակ զոհ կա
Աշխարհ
Պակիստանի արևմտյան հատվածում գտնվող Քվեթա քաղաքում մի քանի զինյալ գրոհել է ոստիկանական ուսումնարանը: Երկրի հատուկծառայությունները բանակի աջակցությամբ մի քանի ժամվա ընթացքում ազատել են գրավված շենքը:
Նախնական տվյալներով` մարտերի ընթացքում զոհվել է առնվազն 59, վիրավորվել ավելի քան 118 մարդ, փոխանցում է BBC-ին:
Ոստիկանությունը պնդում է, որ զինյալները 5-ը կամ 6-ն են եղել: Նրանք երեկ երեկոյան անարգել մտել են ոստիկանական ուսումնարանի դարպասներից ներս, հետո ներխուժել են հանրակացարան ու անկանոն կրակ բացել:
Ուսումնարանի պահակազորը զինված դիմադրություն է ցույց տվել և գրոհայինների հետ փոխհրաձգության մեջ մտել: Հանրակացարանի շենքում այդ պաին 100-ավոր կուրսանտներ են եղել:
Զինված հարձակումից քիչ անց ուսումնարանը շրջափակել են հատուկջոկատայիններն ու բանակային ուժերը, բայց դրանից հետո էլ ավելի քան 2 ժամ ներսում փոխհրաձգությունը չի դադարել:
Հաղորդվում է, որ գրոհայիններից մի քանիսն սպանվել են, նրանց ստույգ թիվը, սակայն, դեռևս հայտնի չէ:
Պակիստանում գործող զինյալ խմբավորումներից ոչ մեկը դեռևս չի ստանձնել հարձակման պատասխանատվությունը:
1
2
3
4
5
2
3
4
1
3
4
