«Փաշինյանը պետք է ներողություն խնդրի». Մանվել Գրիգորյանի փաստաբան
Հասարակություն
Փաստաբան Լեւոն Բաղդասարյանը, որը Մանվել Գրիգորյանի շահերն է պաշտպանում, այսօր հրապարակային դիմեց վարչապետ Նիկոլ Փաշինյանին: Նա պահանջեց, որ Փաշինյանը ներողություն խնդրի Մանվել Գրիգորյանի արժանապատվությունը վիրավորելու համար եւ կոչ արեց Փաշինյանին, որ նա դիմի հանրությանը:
Լեւոն Բաղդասարյանի խոսքով՝ Փաշինյանը պետք է հայտարարի, որ հանրությունը պետք է վերջ տա անհանդուրժողական հայտարարություններին, որպեսզի իրավապահ մարմինները կարողանան օբյեկտիվ քննություն վարել:
Կոնկրետ ի՞նչ հիվանդություն ունի Մանվել Գրիգորյանը: «Նա ունի շաքարային դիաբետ, քաղցկեղի մի աստիճան: Դատական գործընթացին կներկայացվեն այդ հիվանդությունները»,- պատասխանեց Լեւոն Բաղդասարյանը:
Բանախոսի խոսքով՝ Ազգային ժողովում խոսում են մարդիկ, որոնք տարիներ շարունակ ընտրություններ են կեղծել: Դա, իմ կարծիքով, ավելի ծանր հանցագործություն է, քան իմ պաշտպանյալին վերագրվող արարքը. «Իսկ ո՞վ է ասել, որ հրապարակված տեղեկատվությունը ճիշտ է»:
Այն դիտարկմանը, թե Մանվել Գրիգորյանը նախապես տեղեկանալով, որ պետք է խուզարկություն անեն իր տանը, զանգահարել է մի երրորդ անձի եւ ասել՝ քո վրա վերցրու այն, ինչ կհայտնաբերեն: Արդյոք դա չի՞ նշանակում, որ Մանվել Գրիգորյանը խոչընդոտել է նախաքննությունը: «Անձը դրա իրավունքն ունի: Իրավունք ունի պաշտպանելու: Կարծում եմ՝ Մանվել Գրիգորյանը չի խոչընդոտել նախաքննությունը: Այդ հայտարարությունը՝ երրորդ անձին զանգահարելու, իրավապահ մարմիններն են արել, կարողանան արդարացնել իրենց անօրինական գործողությունները»,- ասաց բանախոսը:
Շարունակությունը ՝ AraratNews.am
1
2
3
4
5
1
2
5
1
2
3
4
5
