Վարչապետ - Նախագահ խնդիր կա՞, թե՞ ոչ
ՔաղաքականությունԼՐԱԳԻՐ | Նախագահ Արմեն Սարգսյանը ԱՄՆ Սենատում մասնակցելով Հայաստանի առաջին հանրապետության 100-ամյակի առիթով հանդիսավոր արարողությանը, անդրադարձել է նաեւ Հայաստանի թավշյա հեղափոխությանն ու նոր Հայաստանին, ասելով, որ հատուկ հարգանք պետք է տածել փողոցներ դուրս եկած ցուցարարների եւ նրանց առաջնորդ, վարչապետ Նիկոլ Փաշինյանի նկատմամբ: Արմեն Սարգսյանի այդ հայտարարությունն արժանացել է արարողությանը ներկաների ծափերին:
Սարգսյանի այդ ռեվերանսը Նիկոլ Փաշինյանին հատկանշական է այն ֆոնին, որ առաջացավ նախագահի արտերկրյա «տուրնեի» առիթով՝ Մեծ Բրիտանիա, ԱՄՆ, Ֆրանսիա: Այդ հանգամանքը մամուլում ուղեկցվեց հրապարակումներով, որ Արմեն Սարգսյանն իրականում խաղ է սկսել Նիկոլ Փաշինյանի դեմ, այդ թվում իր հովանավորությունը վայելող արտգործնախարար Զոհրաբ Մնացականյանի միջոցով, որը բավարար ակտիվ չէ արտերկրում Հայաստանի թավշյա հեղափոխության եւ դրա շնորհիվ ձեռք բերած բարձր վարկի դիվանագիտական կապիտալիզացիայի հարցում:
Հատկանշական է, որ Արմեն Սարգսյանն ԱՄՆ Սենատում փաստորեն դրսեւորում է հենց այդ կապիտալիզացիայի գործողություն, միաժամանակ Փաշինյանին ուղղված ռեվերանսով:
Բանն այն է, որ մամուլի հրապարակումներին հաջորդել էր Արմենպրեսին վարչապետի մամուլի խոսնակի պարզաբանումը, կապված նախագահի արտերկրյա այցերի հետ: Հարցը հնչել էր, թե արդյոք վարչապետի հետ համաձայնեցված են այցերը: Խոսնակը հղում էր կատարել Սահմանադրությանը, որ նախագահն իր արտերկրյա այցերը պետք է համաձայնեցնի վարչապետի հետ եւ ասել, որ Արմեն Սարգսյանի այցը պետք է դիտարկել Սահմանադրության այդ կետին համահունչ:
Այլ կերպ ասած, վարչապետի խոսնակը ֆորմալ առումով ցույց էր տվել, որ նախագահ-վարչապետ խնդիր չկա, բայց միեւնույն ժամանակ կարծես թե ստացվել էր հակառակը, եւ այդ անդրադարձը թողել էր հակառակի տպավորություն: Կա՞, թե չկա խնդիր: Մամուլի հրապարակումները այդ առումով շարունակվել են, իսկ այդ ընթացքում վարչապետ Նիկոլ Փաշինյանիը հեռախոսով շնորհավորել է արտերկրյա այցեր իրականացնող նախագահ Սարգսյանի ծննդյան տարեդարձը: Է՞լ ինչ են նրանք խոսել, եւ արդյոք այդ խոսակցությունից հետո է Արմեն Սարգսյանն օգտագործել ԱՄՆ-ում տեղի ունեցող հանդիսավոր միջոցառումը, Փաշինյանի հանդեպ քայլը կատարելու համար:
մանրամասն՝ կայքում
1
2
3
4
5
1
2
3
5
2
5
