Թուրքիայում ռուս աղջկան արգելել են լուսանկարվել բիկինիով

Angel’s Peninsula հյուրանոցը Մարմարիսում (Թուրքիա) արգելել է ռուսաստանցի զբոսաշրջիկին Instagram–ում բիկինիով նկարներ հրապարակել։ Այս մասին հաղորդում է Turkiye Turizm պարբերականը։

Հյուրանոցի օրենքներով՝ տարածքում լուսանկարվել կարելի է միայն մուսուլմանական հագուստով, սակայն ռուս Անաստասիա Մոնստովիչը չի իմացել այդ մասին և մի քանի նկար է հրապարակել՝ հյուրանոցի գեոթեգով։

«Հյուրանոցն ընտրելիս ինձ չշփոթեցրեց այն հանգամանքը, որ այն մուսուլմանական է։ Ես նախօրոք զանգել, բոլոր մանրամասները ճշտել եմ։ Ինձ պարզ ասացին, որ հյուրանոցում ոչ մի սահմանափակում չկա, բացի ալկոհոլի արգելքից։ Ընդհանուր լողափին կարելի է լողազգեստով գտնվել»,– հայտնել է աղջիկը։

Աղջիկը պատմել է, որ ժամանելուց մեկ օր անց նա սոցցանցում տեսանյութ է հրապարակել, որտեղ ինքը լողազգեստով՝ հյուրանոցի լողափին է։ «Երեկոյան հյուրանոցի Instagram-ի էջից ինձ խնդրեցին, որ ջնջեմ տեղանքի թեգը, քանի որ սա մուսուլմանական հյուրանոց է և անկեղծ լուսանկարներով ես վախեցնում եմ հաճախորդներին։ Ես նրանց մերժեցի, քանի որ ինքս էլ հաճախորդ եմ՝ մյուսների նման»,– կիսվել է Մոնստովիչը։

Իր էջում աղջիկը նաև գրել է, որ մերժումից հետո հյուրանոցի Instagram-ի էջն իրեն սև ցուցակում է ընդգրկել։

«Հատուկ այս հյուրանոցի համար ես պահուստում դեռ բավական շատ տեսանյութեր ու բիկինիով լուսանկարներ ունեմ և անպայման կիսվելու եմ դրանցով իմ էջում՝ հյուրանոցի տեղն ու անունը նշելով»,– ասել է նա՝ իր էջում հերթական նկարը տեղադրելով։