Ասմունքող Լիանա Զուրաբյանը դիմել է վարչապետ Փաշինյանին
ՀասարակությունՀայտնի ասմունքող, միայնակ մայր Լիանա Զուրաբյանը մանկամսուրների խնդրով բաց նամակով դիմել է վարչապետ Նիկոլ Փաշինյանին, ուր նշել է. «Հարգելի վարչապետ, բազմիցս բարձրաձայնել եմ այս հարցը, եւ հիմա ժամն է խնդրին լուծում տալու: Խնդիրը մանկապարտեզներում մսուր բաժին ունենալն է: Երկու տարեկան փոքրիկներին ընդունում են սակավաթիվ մանկապարտեզներում, այն էլ՝ հերթագրումով, եւ Աստված գիտի՝ հերթը երբ կհասնի: Արտոնություններ տրվում են միայն բազմազավակ ընտանիքներին եւ զոհված ազատամարտիկների ընտանիքներին, միայնակ մայրերին տրված արտոնությունը Երեւանի քաղաքապետարանի որոշմամբ հանվել է, ինչո՞ւ: Այնպես կուզեի, որ մի օր տղամարդը միայնակ մոր դեր ստանձներ, եւ «հացի խնդիրը» լուծեր, եւ զբաղվեր մանկան խնամքով՝ առանց որեւէ մեկի օգնության, երեւի այնժամ կհասկանային միայնակ մոր հոգսն ու դժվարությունը: Ես հավատում եմ Նոր Հայաստանին, գիտեմ, որ այս հարցը մի օր կլուծվի, սակայն այդ օրը մենք արդեն մեծ կլինենք: Խնդրում եմ ձեր ուշադրության առաջնագծում ունեցեք այս հարցի լուծումը, հարգելի վարչապետ, եւ խնդրում եմ շատ ու շատ միայնակ մայրերի անունից»:
1
2
3
4
5
1
2
5
1
2
3
4
5
