«Չեք կարծո՞ւմ, որ թալանչիներն արդեն թաքցրել են ավարը». օգտատերը՝ վարչապետի օգնականին
Քաղաքականություն«Հաղորդման նյութերը փոխանցված են ԱԱԾ-ին: Եթե հրավիրեն, ես և մեր հետաքննող թիմը պատրաստ ենք ցուցմունք տալ»,- ֆեյսբուքյան ուղիղ եթերում ասել է ՀՀ վարչապետի օգնական, Տարոն Մարգարյանի ունեցվածքի վերաբերյալ հետաքննության նախաձեռնող Արեն Մկրտչյանը՝ հավելելով, որ տեսանյութը 2-րդ մաս է ունենալու: Տարոն Մարգարյանի թեմայից բացի նա անդրադարձել է նաև վերջին օրերի աղմկահարույց ձերբակալություններին, նրանց մի մասի՝ կրկին ազատության մեջ հայտնվելուն (Առաքել Մովսիսյան, Ալեքսանդր Սարգսյան-խմբ.): «Ստորագրությամբ չհեռանալը չի ազատում պատասխանատվությունից, գործը շարունակվում է: Իրավապահներն աչալուրջ են ու ստացված ամենաչնչին տեղեկությունն ստուգում են, եթե բավարար հիմքեր հայտնաբերեցին, գործը կշարունակվի»,- ասել է Մկրտչյանը: Օգտատերը շարունակել է. «Մինչ հեղափոխությունն ընդդիմադիրներն ասում էին՝ Սաշիկը Հայաստանի կեսին փայ է մտնում»: «Մարդուն ազատությունից զրկելու համար ասեկոսները բավարար չեն, ծանրակշիռ հիմքերի համար իրավապահնեը բոլոր ուղղություններով աշխատում են»,- արձագանքել է պաշտոնյան: Չեք կարծո՞ւմ, որ թալանչիներն արդեն թաքցրել են ավարը՝ հարցին, պատասխանել է. «Հողի տակից հանվելու են բոլոր թաքցված միջոցները. դրա համար կա կամք, համարձակություն, գիտելիք»:
1
2
3
4
5
1
3
5
1
3
4
5
