Փաշինյանի կարևորագույն մեսիջը
Բաց մի թողեքԱռաջին լրատվական | Երեկ վարչապետ Նիկոլ Փաշինյանն ընդունել է 2016 թվականի հուլիսին Ոստիկանության ՊՊԾ գնդում սպանված ոստիկանների հարազատներին։ Հանդիպման ընթացքում, ըստ պաշտոնական հաղորդագրության, Փաշինյանը վերահաստատել է իր դիրքորոշումը տեղի ունեցածի շուրջ՝ ոստիկանների սպանությունը պետք է խստորեն պատժվի, այդ հարցում պետք է լինի հանրային կոնսենսուս։
Ի՞նչ են ասել վարչապետին սպանված ոստիկանների հարազատները՝ պաշտոնական հաղորդագրության մեջ չի մանրամասնվում։ Բայց տվյալ դեպքում կարևոր է առաջին հերթին Նիկոլ Փաշինյանի՝ իշխանության աներեր դիրքորոշումը այս հարցում։
Որովհետև այս հարցը տարընթերցումներ չունեցող հարց է ու միանշանակ դիրքորոշում պահանջող։
Սա ածանցյալ հարց է այն հիմնական հարցադրումից՝ արդյոք զենքի կիրառումը ընդունելի՞ է որևէ նպատակի, թեկուզև ամենավեհ նպատակի հասնելու համար։ Նիկոլ Փաշինյանն այդ հարցին միարժեք պատասխան է տվել 2016 թվականի հուլիսին՝ հենց ՊՊԾ գնդի գրավման օրերին, երբ գրեթե անընդհատ գտնվելով Խորենացի փողոցում՝ ամեն ինչ անում էր խնդրի խաղաղ հանգուցալուծմանը հասնելու համար։ Չստացվեց։ «Սասնա ծռերի» ձեռքում հայտնված զենքը կրակեց։ Այդ զենքը սպանեց Հայաստանի Հանրապետության երեք ոստիկանի, ՀՀ երեք քաղաքացու։ Այդ զենքը սպանեց պետությանը, այն պետությանը, որն իր համազգեստով ներկայացնում է ոստիկանը։
Նիկոլ Փաշինյանը երկու տարի առաջ առանց որևէ տարընթերցման՝ միարժեքորեն ընդդիմանում էր, պայքարում էր զենքը որպես քաղաքական հարցերի լուծման միջոց ընտրելու երևույթի դեմ, պայքարում էր՝ արժանանալով հասարակության մի մասի հերոսացմանն արժանացած «Սասնա ծռերի» անդամների ու նրանց համակիրների ամենաստոր գնահատականներին։ Պայքարում էր այն ժամանակ ընդդիմադիր պատգամավորի կարգավիճակում։ Այսօր պայքարում է արդեն իշխանության առաջին դեմքի՝ վարչապետի կարգավիճակում։
Նիկոլ Փաշինյանի երեկվա հանդիպումը սպանված ոստիկանների ընտանիքի անդամների հետ ուղերձ էր այն մասին, որ իր դիրքորոշումը չի փոխվել, որ իր դիրքորոշումը հաստատուն է՝ ոստիկանի սպանությունը պետության դեմ ուղղված ծանր հանցագործություն է, որը պետք է խստորեն պատժվի։
մանրամասն՝ կայքում
1
2
3
4
5
1
2
3
4
5
2
4
5
