Կինն աչքերին 20 տարվա տուշ է քսել և կուրացել
ԱշխարհԱվստրալուհի Շիրլի Փոթերը լուրջ վարակ է ստացել այն բանից հետո, երբ 20 տարվա հնության սևաներկ է քսել թարթիչներին։ Այս մասին հաղորդում է Daily Mail-ը։
Կինը իր դստրերի հետ հանդիպման է գնացել, որոնց երկար ժամանակ չէր տեսել։ Հանդիպումից առաջ նա վարսավիրանոց է գնացել, իսկ շպարը որոշել է տանը անել։
Հաջորդ առավոտյան կինն արթնացել է կարմիր աչքերով։ Նա նաև պատմել է, որ աչքերը ցավել են ինչ որ բանի նայելիս։ Նա ակնաբույժի է դիմել, սակայն վերջինս ոչ մի լուրջ խնդիր չի հայտնաբերել։ Տեսողությունը սակայն օրեցօր վատացել է։
Երբ նա նորից է դիմել ակնաբույժի, բազմաթիվ հետազոտություններից հետո պարզվել է, որ երկու աչքերում էլ լուրջ վարակ կա։
«Բժիշկն ինձ հարցրեց, թե արդյոք ես հնացած կոսմետիկա չեմ օգտագործել։ Ես նրան ասացի, որ թարթիչների մոտ քսան տարվա սևաներկ եմ օգտագործել»,– պատմել է կինը։
Կինը խոստովանել է, որ երբեք կանոնավոր կերպով չի օգտագործել կոսմետիկա և պատկերացում անգամ չի ունեցել, որ դրանք նույնպես կարող են պիտանելիության ժամկետ ունենալ։ Փոթերին հակաբիոտիկների կուրս են նշանակել, սակայն դա չի փրկել տեսողությունը։ Բժիշկները կանխատեսում են, որ երեք տարուց հետո նա վերջնականապես կկուրանա։
1
2
3
4
5
1
2
5
1
2
3
5
