Նոր տեսահոլովակի նկարահանումները լողավազանում․ Ադրիանա Գալստյանը` հերոսուհու դերում / լուսանկարներ

Tert.am Life-ը  եղել է տեսահոլովակի նկարահանման հրապարակում և ֆիքսել հետաքրքիր դրվագները։

«Տաք ա, տաք ա» երգի երաժշտության հեղինակը Վահե Ալեքսանյանն է, խոսքերը գրել է Ալեք Միրզոյանը, գործիքավորումն արել է «ԿարենՍևակ» փրթդաքշընը։ «Ամառային, ռիթմիկ երգ է սիրո մասին: Տեսահոլովակը նույնպես ամառային շնչով է: Նկարահանումներն իրականացրել ենք լողավազանի շուրջ: Տեսահոլովակում կան խաղարկային, պարային համարներ ոչ միայն իմ և Հակոբի մասնակցությամբ, այլև տեսահոլովակի գլխավոր հերոսուհիների: Պարային համարները բեմադրել է Վիկա Մարտիրոսյանը»,-ասաց Արմեն Հովհաննիսյանը

Տեսահոլովակի ռեժիսորն այս անգամ ևս Հակոբ Հակոբյանն է: Գլխավոր հերոսուհիները երկուսն են՝ դերասանուհիներ Ադրիանա Գալստյանն ու Լիանա Վարդանյանը:

«Տեահոլովակում փոքրիկ հումորային մաս էլ կա: Այնպիսի իրավիճակ է ներկայացված, երբ երկու եղբայր հավանում են նույն աղջկան, թե ի՞նչ է լինում, կտեսնեք տեսահոլովակում»,– ասաց Հակոբը։

Հակոբի խոսքով` իրենց նոր երգը նախորդների տրամաբանական շարունակությունը չէ, քանի որ նրանք ինչ-որ չափով նաև կոմերցիոն բնույթ ունեին: Ըստ նրա` այս անգամ ներկայացել են նոր ձևաչափում: Ի դեպ, Հակոբը նկատեց, որ երգը կա ավելի քան մեկ տարի, սակայն միայն հիմա էր հասունացել այն տեսահոլովակով լսարանին հանձնելու պահը:

«Երգն ավելի շատ ռեգետոն ֆորմատի մեջ է, ակումբային ռիթմեր է պարունակում: Նոր ֆորմատ է մեզ համար, նաև փոքր-ինչ ռիսկային: Հույս ունենք, որ այս երգն ու տեսահոլովակը նույն արաձագանքը կունենան, ինչ նախորդ կատարումները»,-ասաց նա:

Հակոբի խոսքով` Արմենի հետ համատեղ աշխատանքի ընթացքում տարակարծություններ ունենում են, բայց մեկը մյուսին փոխլրացնելով փորձում են հասնել լավ արդյունքի, իսկ գնահատակնն ակնկալում են լսարանից: 

Լուսանկարները՝ Հրանտ Մարինոսյանի