«Միսս Տիեզերքի» հայ մասնակցի ընտրության մանրամասները, ցուցադրության ֆոտոշարքն ու լավագույն հնգյակը

Երեկ կայացավ «Միսս հայուհի» մրցույթի առաջին փուլը, որի ժամանակ ընտրվեց «Միսս տիեզերքի» հայաստանյան ներկայացուցիչը` Էլիզա Մուրադյանը։ Tert.am Life–ը ներկա է եղել մրցույթին և ներկայացնում է ամբողջական ֆոտոշարքն ու մանրամասները։

Հաղթանակի համար պայքարում էր 21 աղջիկ։ Նրանք պոդիոմում քայլեցին լողազգեստով և երեկոյան զգեստով, ինչպես նաև ներկայացրին իրենց տաղանդը՝ երգեցին, պարեցին, նկարեցին... «Միսս տաղանդ» անվանակարգի հաղթող ճանաչվեց 21–ամյա Հռիփսիմե Խաչատրյանը Բուլղարիայից։ Նա ժյուրիին զարմացրեց իր պարով։

Արդեն հուլիսի 8–ին «Միսս հայուհի» տիտղոսին արժանանալու և Հայաստանը «Միսս աշխարհում» ներկայացնելու համար կպայքարի 20 աղջիկ, քանի որ այս մրցույթի հաղթողը` Էլիզան, այլևս չի պայքարի «Միսս Հայուհի» տիտղոսի համար։

Գեղեցկության մրցույթի հաղթողին ընտրած ժյուրին կազմված էր 5 հոգուց։ Նրանք էին` հագուստի մոդելավորող Գևորգ Շադոյանը, ոճաբան Արմեն Երիցյանը, Farell ապրանքանիշի հիմնադիր Գոռ Հարոյանը, վարսահարդար Գնել Սողոմոնյանը և հագուստի մոդելավորող Արամ Նիկոլյանը։ Գոհար Հարությունյանն այս տարի չէր ցանկացել ներգրավվել ժյուրիի կազմում։

Աղջիկները ներկայացան միանման լողազգեստներով և միանման կոշիկներով։ Երեկոյան զգեստներն ընտրված էին անհատական։

Ժյուրին երեկ ընտրել է լավագույն հնգյակին։ Սա, թերևս, թույլ է տալիս պատկերացում կազմել ժյուրիի ֆավորիտների մասին, սակայն երեկվա պայքարին չէր մասնակցում Սփյուռքի 4 ներկայացուցիչը։ Նրանք մասնակցելո են ցուցադրությանը, սակայն մրցութային չեն համարվել, քանի որ ըստ «Միսս Տիեզերքի» կանոնակարգի` երկրի ներկայացուցիչը չի կարող լինել արտերկրից։

Հաղթող Էլիզա Մուրադյան, 25 տարեկան

2–րդ տեղը զբաղեցրեց Հռիփսիմե Սարգսյանը, 21 տարեկան

3-րդ տեղը զբաղեցրած  Աննա Լոռեցյանը, 18 տարեկան

4–րդ տեղը զբաղեցրած Մերի Եփրեմյանը, 26 տարեկան

5–րդ տեղը զբաղեցրած Սոնա Սարգսյանը, 19 տարեկան

«Միսս տաղանդ» ճանաչված Հռիփսիմե Սարգսյանը

Ժյուրիի անդամներն ու միջոցառման հյուրերը