Օմսկում ռուս մարզիկը ծեծելով սպանել է 32-ամյա հայաստանցու
Աշխարհ
Ռուսաստանի Օմսկ քաղաքում խառը մարտարվեստի մարտիկը ծեծելով սպանել է Հայաստանի 32-ամյա քաղաքացու։
Ինչպես հայտնի է դարձել «СуперОмск»լրատվամիջոցին «ВКонтакте» սոցցանցի Regik55 համայնքի ներկայացուցչից, դեպքը տեղի է ունեցել Օմսկ քաղաքի Լենինսկի թաղամասում:
Ըստ նախնական վարկածի՝ 22-ամյա Նիկիտա Ֆեդոնենկոն վիճաբանության ընթացքում ծեծել է Հայաստանի 32-ամյա քաղաքացի Վահե Զալիբեկյանին: Վերջինս ավելի ուշ, ստացած վնասվածքներից մահացել է:
Փաստի առթիվ հարուցվել է քրեական գործ ՌԴ քրեական օրենսգրքի 111-րդ հոդվածի 4-րդ մասով («Առողջությանը ծանր վնաս հասցնելը, որն անզգուշությամբ հանգեցրել է մահվան»):
«Այժմ կասկածյալը ձերբակալված է: Հետաքննությամբ զբաղվում է հատուկ կարևորության գործերի հետաքննության բաժինը»,- լրատվամիջոցին հայտնել է Ռուսաստանի քննչական կոմիտեի Օմսկի շրջանի քննչական գլխավոր վարչության ներկայացուցիչ Լարիսա Բոլդինովան:
Վեճի պատճառները դեռ հայտնի չեն: Սակայն ինչպես հայտնի է դարձել «СуперОмск»-ին, Նիկիտա Ֆեդոնենկոյի բնակարանում խուզարկության ժամանակ հայտնաբերվել է իր, որը նման է սքինհեդների օգտագործած իրին: Նշվում է, որ կասկածյալը զբաղվել է մարտարվեստով:
Նա զբաղվել է խառը մենամարտերի մարտարվեստով: 2013 թվականին ֆեդոնենկոն զբաղեցրել է երկրորդ տեղը «Ոսկե սաղավարտի գավաթ» մրցաշարում:
1
2
3
4
5
1
3
5
2
