Զգուշացեք 10.000 դրամ արժեցող ավիատոմսերից. ողջ իրականությունը ռուսական ավիաընկերության մասին

politik.am-ը գրում է․

Երեկ Քաղավիացիայի գլխավոր վարչության մամուլի բաժինից տեղեկացանք, որ «Պոբեդա» ավիաընկերությունը սկսում է թռիչքներ իրականացնել Գյումրու «Շիրակ» օդանավակայանից: Նշենք, որ Ռուսական ավիաընկերության հետ պայմանավորվածություն է ձեռք բերվել՝ նոյեմբերի վերջից, շաբաթական 3 անգամ, Գյումրու «Շիրակ» օդանավակայանից դեպի Մոսկվայի «Վնուկովո» օդանավակայան, ինչպես նաև հետադարձ ուղղությամբ, թռիչքներ իրականացնել, իսկ ահա ավիաընկերության ավիատոմսերի սակագները լինելու են սկսած 10.000 դրամից, իսկ թռիչքները կատարվելու են ցերեկային ժամերին:
Իհարկե, ՀՀ-ի նման գործազրկության բարձր մակարդակ և աղքատության ոչ պակաս բարձր ցուցանիշ ունեցող երկրի համար սա թերևս շատ գրավիչ առաջարկ է, բայց մենք փորձեցինք մի փոքր լրագրողական հետաքննություն իրականացնել և հասկանալ, թե որքանով է հուսադրող վերջինիս գործունեության որակը: Politik.am-ի ունեցած և հավաքագրած տեղեկությունների համաձայն՝ ռուսական միակ ամենացածր արժեք ունեցավ ավիաթռիչքներ իրականացնող «Պոբեդա» ընկերությունը վերջին ամիսներին սկանդալների կիզակետում է, մասնավորապես՝ սոցիալական ցանցերի օգտատերերը բողոքում են սպասակման որակից ու գնից, և ավիաընկերությունը շարունակաբար խստացնում է ճանապարհային երթևեկության կանոնները: Նշենք, որ ավիաընկերությունը արգելել է չվերթի ժամանակ մաստակ ծամել, իսկ ահա ընկերության գլխավոր տնօրենը ասել է, որ մաստակներից ինքաթիռը մաքրելը ծախսերրի հետ է կապված, այդ պատճառով է արգելվել: Ուղևորները դժգոհում են գների անհիմն բարձրացումից, 3 անգամ բարձրացվել է «Դյութի Ֆրի»-ից գնված ապրանքերի համար նախատեսված վճարը, նախկինում ձեռքի ուղեբեռից գումար չէր գանձվում, իսկ հիմա գանձվում է, և գումարած դրան, սպառնում են նվազագույն ուղեվարձը 3 անգամ ավել բարձրացնել: Ամիսներ առաջ մեծ աղմուկ էր բարձրացրել ևս մի պատմություն, համաձայն որի, ամուսինները իրենց 3 ամսական երեխայի հետ նստել էիր այլ ազատ շարքում, որը հարամարավետ էր երեխայի հետ լինելու համար, իսկ ահա աշխատողների հորդորները չլսելու և իրենց տեղերը չվերադառնալու համար թռիչքից հետո նրանց օդանավակայանում դիմավորել էր ոստիկանությունը:
Նշենք, որ Աերոֆլոտի ղեկավարությունը համարում է, որ վերջին շրջանում իրենց դեմ իրականացվում է մասսայական պատվիրված քարոզարշավ: Թե որքանով է ապահով, և թե ինչու Ռուսաստանում վերջին շրջանում վարկանիշն ընկած, սկանդալների, բողոքների կենտրոնում հայտնված ավիաընկերությունը որոշեց մեր երկրից էլ իրականացնել ավիաթռիչքներ, հասկանալի չէ, և ենթադրությունները թողնում ենք ձեզ: