ՀԱՆՐԱՀԱՅՏ ՄՈԴԵԼ ԺԻԶԵԼ ԲՅՈՒՆԴԽԵՆԻ ԳԵՂԵՑԿՈՒԹՅԱՆ ԳԱՂՏՆԻՔՆԵՐԸ

Ում մտքով կանցներ, որ բրազիլուհի աշխարհահռչակ մոդել Ժիզել Բյունդխենն արդեն 38 տարեկան է։ Գեղեցկուհի սուպերմոդելը, չնայած նրան, որ երկու երեխաների մայր է, ունի հիանալի կազմվածք, միշտ խնամված է ու գրավիչ։

Ներկայացնում ենք սուպերմոդելի գեղեցկության գաղտնիքները։

Մազերի խնամք.

Ժիզելը խոստովանում է, որ մազերը սանրում է միայն լվանալու ընթացքում։ «Այո, կարող է վայրի հնչել, սակայն ես սովոր եմ այդպես անել։ Դա, ի դեպ, իմաստ ունի. որոշ ոճաբաններ կարծում են, որ հաճախ մազերը չարժե սանրել, քանի որ այդպիսով վնասում եք մազերը»,- նշում է նա։

Դիմահարդարում.

«Բոլորն ասում են, որ դիմահարդարման մեջ պետք է աչքի ներքեւի կոպը ներսից լուսավորել բաց երանգով, սակայն ես դա անում եմ միայն Smokey eyes դիմահարդարման դեպքում՝ հակառակ պարագայում ձկան եմ նմանվում»,-պատմում է Ժիզելը՝ հավելելով, որ տանից դուրս չի գալիս առանց թարթչաներկի. նա ներկում է ինչպես վերեւի, այնպես էլ ներքեւի թարթիչները։

Բունդխենը հաճախ է նոր քսուկներ փորձարկում, իսկ ահա մաշկը մաքրող միջոցներին հավատարիմ է մնում արդեն մի քանի տարի։ Նրա սիրելի միջոցներն են Lancôme-ն ու Victoria’s Secret-ը։

Սննդակարգ.

Սուպերմոդելն արդեն 15 տարի է՝ ամբողջությամբ հրաժարվել է գազավորված ըմպելիքներից։ Նա նաեւ հետեւում է առողջ սննդակարգին՝ ուտելով բացառապես բնական մթերքներ։

Նա ամեն օր խոզանակով մերսում է մարմինը։ Դա օգնում է կանխել ցելյուլիտն ու լավացնում է մաշկի որակը։