Իրանական դիվանագիտությունը հազարամյակների ավանդույթներ ունի եւ ցանկացած ժեստ իր իմաստն ունի:
Հայաստանում է Իրանի էներգետիկայի նախարար Ռեզա Արդաքանիանը, որին արդեն ընդունել են Հայաստանի նախագահն ու վարչապետը: Ռեզա Արդաքանիանը վարչապետին փոխանցել է Իրանի նախագահ Հասան Ռոհանիի ուղերձը եւ Իրան այցելելու հրավերը: Իրանի էներգետիկայի նախարարը հեռանկարային է անվանել համագործակցությունը եւ ազատ տնտեսական գոտիների շրջանակում ներդրումների ներգրավումը: Զրուցակիցները քննարկել են համատեղ էներգետիկ ծրագրերի իրագործումը եւ նոր նախաձեռնությունների իրականացման հնարավորությունները, ինչպես նաեւ տարածաշրջանային խնդիրները:
Վերջերս Իրանը Բաքվում կայացած ռազմական շքերթին ուղարկել էր մշակույթի նախարարին: Ադրբեջանը հանդիսավոր նշել է իր բանակի կազմավորման 100-ամյակը, որը ստեղծել էր Թուրքիան Կովկասի գրավման համար: Դա արվել է ոչ առանց Ռուսաստանի ու Բրիտանիայի օգնության: Ադրբեջանը դարձավ ռուս-թուրքական դաշինքի ծնունդը, որն օրհնեց Բրիտանիան: Իրանն Ադրբեջանն իր տարածքն է համարում, իր մշակութային արեալի անքակտելի մասը: Պատահական չէ, որ Իրանը մշակույթի նախարարին էր ուղարկել: Իսկ դրանից հետո Ադրբեջանում բացահայտեցին հերթական «իսլամիստական» դավադրությունը:
Պատահական չէ նաեւ այն, որ Ռոհանին Նիկոլ Փաշինյանին հրավերը փոխանցել է էներգետիկայի նախարարի միջոցով: Հայաստանն ու Իրանը կապված են էներգետիկ առումով եւ ոչ միայն գազի ու էլեկտրաէներգիայի, այլ նաեւ պատմական ու տարածաշրջանային էներգիայի առումով:
1
2
3
4
5
1
2
5
1
2
3
5
