Հրապարակավ զրպարտելու համար հրապարակավ էլ պետք է ներողություն խնդրեն...

Սևակ Հակոբյանը ֆեյսբուքյան իր էջում գրում է.

Լրագրողական էթիկայի կոպիտ խախտումը, մարդկանց հրապարակայնորեն զրպարտելն ու անպատիժ մնալը, ամեն դեպքում մեր երկրում շարունակում է «բաց» մնալ: Կայքերն ու թերթերը շարունակում են շեղվել իրենց բնականոն հունից և պատվերների շրջանակներում, գումարի դիմաց տարատեսակ կեղտոտ գործելաոճերի են դիմում, անուններ են շահարկում, սուտ լուրեր տարածում և այլն: Ասվածի ամենավառ ներկայացուցիչներից մեկը հանրությանը ոչ բարով հայտնի mamul.am կայքն է, որտեղ օրվա լրահոսը պարբերաբար համեմվում է այս կամ այն քաղաքական գործչի հասցեին զրպարտիչ և սուտ լուրերով: Այսօր էլ նմանատիպ նյութ հրապարկվեց այդ կայքում, որտեղ ակնհայտ սուտն այն աստիճան զազրելի էր, որ դրա մասին չբարձրաձայնել հնարավոր չէր:

Կայքի խմբագրակազմը լկտիաբար ինչ-որ հորինված և իրականությունից հեռու թեման փորձել է ներկայացնել որպես իրականություն և այն կապել Գագիկ Ծառուկյանի անվան հետ: Ակնհայտ է, որ սա Ծառուկյանի բարի համբավը արատավորելու հերթական չստացված փորձն է: Կայքը դեռ չի հասկացել, որ իրենց գործառույթները ոչ թե դետեկտիվ-դետեկտիվ խաղալով և ստեր հրապարակելով է սահմանափակվում, այլև հանրությանը օբյեկտիվ տեղեկատվությամբ իրազեկելով: Ինչևէ թեմայի անիրատեսական լինելու հանգամանքն արդեն իսկ վկայում է այն մասին, որ սա կայքի արդեն իսկ հարազատ դարձած՝ պատվերով գործելաու ոճն է, երբ անհիմն շահարկվում է «թիրախ» հանդիսացող գործչի անունը, այն կապելով սին լուրերի հետ: Այս ամենի մեջ իր մեղքի մեծ բաժինն ունի նաև նյութի պատվիրատուն, ում ականջնմերն արդեն իսկ հստակ երևում են հոդվածի հետևից: Եվ եթե, նույն mamul.am կայքն իր խմբագրակզմով, չի ներկայացրել գեթ մեկի, ով կհաստատի իրենց խոսքերը, նրանք առնվազն պարտավոր են նույն ջանասիրությամբ, արդեն իսկ հանրայնորեն ներողություն խնդրել՝ Ծառուկյանիա նունը անհարկի շահարկելու և նրա հասցեին սուտ լուրեր տարածելու համար: Արդարության համար նշենք նաև, որ այսօրվա լրահոսին վստահելը դառնում է վտանգավոր հենց նմանատիպ կայքերի և դրանք ոչ նպատակին օգտագործելու հակում ունեցող խմբագիրների երեսից: Դա թույլ տալ չի կարելի, չորրորդ իշխանությունը նոր Հայաստանում շատ ավելի լուրջ դերակատարություն է ունենալու քան նախկինում էր և դա բխում է միմիայն հնարության շահերից: