Վարչապետը` նախկին պաշտոնյաներին պատժելու մասին
Քաղաքականություն
«Մենք փորձելու ենք այնպես անել, որ յուրաքանչյուր մարմին զբաղվի իր գործունեությամբ: Եթե նախկին պաշտոնյաների մասին կան փաստեր, որով պետք է իրավապահ ու քննչական մարմինները զբաղվեն, տրամադրեք, թող զբաղվեն և պատասխանեն ձեզ»,- Ազգային ժողով — կառավարություն հարց ու պատասխանի ժամանակ ասաց վարչապետ Կարեն Կարապետյանը՝ պատասխանելով նախկին պաշտոնյաների ապօրինի հարստացման մասին հարցին:
ԲՀԿ-ական պատգամավոր Վահե Էնֆիաջյանը հարցրեց, որ պաշտոնաթող մի շարք բարձրաստիճան պաշտոնյաների կողմից չարաշահումներ թույլ տալու ու նրանց՝ կոռուպցիոն սխեմաներում ներգրավված լինելու մասին մամուլի հրապարակումներ կան: Նոր կառավարությունն ինչպե՞ս է սա մեկնաբանում, քանի որ հասարակության մեջ արդարության պակաս ու անվստահության մթնոլորտ կա:
«Ես ճիշտն ասած չգիտեմ, թե մամուլի հրապարակմանն ինչպես կարող ենք ազդել, արժե ազդել՝ դրանով մոտիվացնել, որ նման հրապարակումներ լինեն, բայց ձեր ելութի այն մասի հետ, որ բոլորը պետք է օրենքի առաջ հավասար լինեն, համաձայն եմ: Չեմ կարծում, որ ամեն կամայական հոդվածի կապակցութամբ, շատ դեպքերում գիտենք, որ միտումնավոր են լինում, պետք է քրեական գործ հարուցենք: Ինչպես անենք, տվեք առաջարկություններ»,- արձագանքեց վարչապետը:
1
2
3
4
5
1
2
4
5
2
