Ո՞վ է Կատալոնիայում ձերբակալված «Ակուլա»-ն

Իսպանական թերթերը գրում են, որ օրերս Կատալոնիայում ձերբակալվել է միջազգային հետախուզության մեջ գտնվող, ազգությամբ ադրբեջանցի Ակիֆ Մուստաֆաևը, ով հայտնի է «Ակուլա» մականունով: Տեղի իրավապահ մարմինների հայտարարությամբ նա մեղադրվում է 285 հազար դոլար կաշառք վերցնելու մեջ: Սակայն «Ակուլան» շատ ավելի մեծ «ձուկ» է, քան կարելի է ենթադրել:

Ըստ ադրբեջանական կայքերի, Մուստաֆաևը Ադրբեջանի կողմից միջազգային հետախուզման մեջ է 2015-ի սեպտեմբերից: Նա համարվում է Ադրբեջանի Ազգային անվտանգության արդեն նախկին նախարար Էլդար Մախմուդովի հայտնի բանդայի առանցքային դեմքերից մեկը, ով ոչ թե հարյուր հազարներ, այլ հարյուրավոր միլիոնների «գործեր» է վարել, որպես նախարարի հատուկ գործակալ:

Ակուլան Ադրբեջանում հարյուրավոր խոշոր բիզնեսմեննրի գործերի մեջ «հալալ» փայատեր է: Բոլոր խոշոր փողատերերին, ում նախարարը ԿԳԲ-ի նկուղում նստեցնում էր, Ակուլան «լավություն» է արել: Կապվել է հարազատների հետ և բիզնեսմենի հետ 50/50 փայ մտնելով, ազատել է բանտից:

Իսկ իրականում այդ 50%-ի փայատերը նախարարն էր: Երբ նախարարին ձերբակալեցին, Ակուլան փախավ Ադրբեջանից: Ակուլայի միջնորդությամբ շատերն են հասել գեներալի կոչման և շատերն են պարտական նրան, իրենց կարիերայի համար: Ադրբեջանի իրավապահ մարմինները երեկ դիմել են Իսպանիայի իրենց գործընկերներին` Մուստաֆաև-Ակուլային Ադրբեջանին արտահանձնելու խնդրանքով:

Հիմա ադրբեջանում շատերը իրարով են անցել: Հանցագործների շարքում ում անունները կտա Ակուլան, և ու՞մ կխնայի` ցույց կտա ժամանակը:

nyut.am