Թագուհիների սրահ, ուր գալիս են ու գեղեցկացած դուրս գալիս. «Queen’s gallery»-ին կընդգծի ձեր գեղեցկությունը (լուսանկարներ)

Գեղեցկությունը ֆիզիկական վիճակ չէ: Գեղեցկությունը ներքին զգացողություն է, որն արտացոլվում է ձեր աչքերում: Կինոյի թագուհի Սոֆի Լորենի խոսքերն են, որոնք պլաստիկ վիրահատությունների, դիմահարդարում կոչվող հրաշքի այս դարաշրջանում միգուցե շատերի համար այլևս չափանիշ չեն:

Դիմահարդար Տաթև Ջանվելյանն ամեն օր բազմաթիվ հաճախորդներ է ունենում: Անկեղծանում է` մարդկանց հետ շփումն ու նրանց բնավորությունը փոխում է գեղեցկություն ասվածի ընկալումը:

Տաթևն արդեն մի քանի տարի է, ինչ զբաղվում է դիմահարդարմամբ, բայց արդեն երկու ամիս է` իր սեփական գեղեցկության սրահն է տնօրինում, միաժամանակ նաև նույն սրահում զբաղվում սիրելի գործով: Կորյունի 3/3 հասցեում գտնվող «Queen’s gallery» գեղեցկության սրահի անվանումը պատահական չէ:

«Թագուհիների սրահ` գալիս են ու գեղեցկացած դուրս գալիս»,-ասում է Տաթևն ու հավելում` փորձել են մատչելի գներ սահմանել, որ բոլորը կարողանան օգտվել ծառայություններից. «Ոտնահարդարում, մատնահարդարում, թարթիչների լիցք, վարսահարդարման տարբեր մասնագետներ: Ունենք նաև հոնքերի մասնագետ, շուտով նաև տատուի ծառայություն կունենանք:Մեզ մոտ որակյալ նյութերով բարձր ծառայություն է մատուցվում: Առհասարակ, մարդկանց մի մասը սիրում է նուրբ, թեթև դիմահարդարում, մյուս մասն ավելի արևելյան, արտահայտիչ դիմահարդարման սիրահար է: Մեզ մոտ տարբեր մասնագետներ տարբեր ձեռագրեր ունեն»:

Տաթև Ջանվելյանն ընդգծեց, որ դիմահարդարման համար անհրաժեշտ նյութերը Հայաստանից գրեթե չեն գնում:

«Բոլոր նյութերն ԱՄՆ-ից ենք բերում»,-նշեց նա:

Թեև նյութերը որակյալ են, բայց գեղեցկության սրահի տնօրենը հավաստիացնում է` գնային քաղաքականության վրա այդ հանգամանքը չի արտացոլվում:

Տաթև Ջանվելյանը նկատում է` կարող է բիզնեսի տեսանկյունից սխալ է, բայց հաճախ է մարդկանց դրության մեջ մտնում. «Ամեն դեպքում, պետք է որոշ չափով մտնել մարդկանց դրության մեջ և որոշ դեպքերում սահմանվածից մի փոքր ավելի մատչելի գնով ծառայություն մատուցել»:

Մասնագետի խոսքով` երեկոյան դիմահարդարումը առօրյայից տարբերելու միջոց է:

«Չեմ ընդունում, որ առօրյայում արտահայտված դիմահարդարում է լինում: Եթե, իհարկե, դեմքի խնդիր կա, կարող են տոնային քսուկներով ծածկել: Իսկ եթե ոչ, ապա միայն լցրած թարթիչներն ու շրթներկը բավարար են: Տոնային քսուկը շոգ եղանակին ցանկալի չէ: Իսկ երբ ամեն օր նույն երեկոյան դիմահարդարմամբ ես ներկայանում, երեկոյան առիթի ժամանակ չես տարբերվում առօրյայի քո կերպարից»,-ասաց նա:

Տաթև Ջանվելյանը մի մտահոգություն էլ ունի:

«Հայուհիները գնալով իրար են նմանվում, ինչն այդքան էլ չեմ ընդունում: Եթե պլաստիկ վիրահատության կարիք կա, իհարկե, գեղեցիկ է: Դա նաև իրենց ինքնագնահատականն է բարձրացնում: Բայց այդ ամենը գեղեցիկ է, եթե չափը չեն անցնում»,-ասաց նա:

Դիմահարդարը խորհուրդ է տալիս առհասարակ չառաջնորդվել նաև հետևյալ սկզբունքով. «Հայերի մոտ շատ տարածված է հետևյալ մոտեցումը. երբ թանկ է, ասում են` թանկ է, իսկ երբ ծառայության գինն իջեցնում ես` ասում են` ուրեմն, վատ նյութերով են աշխատում: Բացի այդ` այս ոլորտում կա մի խնդիր. առհասարակ հարսնացուների դեպքում նույն ծառայությունն ավելի թանկ է արժենում զուտ այն բանի համար, որ նրանց պարագայում դիմահարդարումն ավելի մանրակրկիթ աշխատանք է ենթադրում: Հարսնացուները գեղեցկության սրահներ են զանգահարում ու ծառայությունից ավելի մատչելի օգտվելու համար որպես հարսնացու չեն ներկայանում: Այս խնդիրը մեզ մոտ բացառելու համար շատ թանկ գներ չենք սահմանել, որ բոլորին հասանելի լինի: Ավելի լավ է հարսնացուն ոչ թե խաբելու, այլ իր այդ առանձնահատուկ օրվա մասին մտածի: Թող նորմալ գին լինի, բայց իր օրը չփչանա, լարված չլինի»:

Գեղեցկության սրահ մուտք գործելուց հետո առաջին իսկ հայացքից աչք են շոյում սրահի ներդաշնակ գույները, մթնոլորտը, որից բաժանվելն այդքան էլ հեշտ չէ:

Տաթև Ջանվելյանը բացում է փակագծերը. «Երբ սկսեցինք աշխատել սրահի վերանորոգման վրա, որոշեցինք, որ դիզայնը չպետք է ճնշող լինի: Հիմա յուրաքանչյուր այցելու ասում է` գեղեցիկ ու լավ միջավայր է: Բայց չենք ցանկանում, որ տպավորություն ստեղծվի, թե գեղեցիկ կահավորումը ենթադրում է նաև ծառայությունների բարձր գին: Սրահի գեղեցկությունը մեր ծառայությունների գների հետ կապ չունի: Այն սպասարկման հետ է առնչվում: Նպատակն այն է, որ մարդիկ հաճույքով և գեղեցիկ միջավայրում օգտվեն մեր ծառայություններից»,-եզրափակեց մեր զրուցակիցը: