Ինչ է իրականում առաջարկել փոխվարչապետը միասնական արժույթի անցնելու շուրջ

Հայաստանի Հանրապետության փոխվարչապետ Մհեր Գրիգորյանը «Միր 24» հեռուստաալիքի հետ հարցազրույցում խոսել է Եվրասիական տնտեսական միության հեռանկարների մասին: ArmLur.am-ը փոխվարչապետին խնդրեց մեկնաբանել`ճի՞շտ է հրապարակումը, թե առաջարկել է հրաժարվել ամերիկյան դոլարից, Մհեր Գրիգորյանը պարզաբանեց, որ ինքը, մասնավորապես, խոսել է միասնական արժութային գոտու արդյունավետության մասին, մինչդեռ ԱՄՆ դոլարից հրաժարվելու մասին տեղեկությունն իրականությանը չի համապատասխանում: Մհեր Գրիգորյանը վստահեցրեց, որ իր խոսքի բուն իմաստը խեղաթյուրվել է: Ավելին, փոխվարչապետը ամերիկյան դոլարի մասին որևէ բան առհասարակ չի նշել: Փոխվարչապետն ArmLur.am-ի հետ զրույցում մեկնաբանեց, որ միասնական արժույթին անցնելն առավել էֆֆեկտիվ է`հաշվի առնելով առևտրաշրջանառությունը, փոխանակումները և այլն, իսկ այդ միասնական արժույթը կարող է լինել, օրինակ, նաև հայկական դրամը: Ինչպես Մ. Գրիգորյանը նկատեց, ինքը ստույգ որևէ արժույթի անուն չի շեշտել: «Միաժամանակ նշել եմ նաև, որ միասնական արժույթին անցնելու ճանապարհը բավականին բարդ է և ժամանակատար»,- եզրափակեց մեր զրուցակիցը:

Ամբողջական հոդվածը կարող եք կարդալ այս հասցեով՝ https://armlur.am/839178/