Գագիկ Ծառուկյանը կրկին գերազանցեց խաղողագործների հույսերն ու սպասումները

Վարդգես Սահակյանը ֆեյսբուքյան իր էջում գրում է.

Խաղողագործների ապրուստի միակ միջոցը խաղողի բերքն է, որով նրանք հոգում են իրենց օրվա հացի խնդիրը: Հասկանալի է, որ եթե բերքը քիչ է լինում կամ այն վնասվում է կարկուտի պատճառով, ապա գյուղացու միակ հուսյը մնում է օգնության ձեռք մեկնող անհատը, որը նեղ պահին իր աջակցությունն է հայտնում գյուղացուն:
Այդպիսի անհատ է Գագիկ Ծառուկյանը, ով ամենաանհուսալի պահին միշտ օգնության ձեռք է մեկնել գյուղացուն, սատարել նրան իր օրվա հոգսի և խդիրների պահին: Այս տարին նույնպես բացառություն չէր: Արմավիրի և Արարատի խաղողագործները, ովքեր տարիներ շարունակ աշխատում են Երևանի «Արարատ» կոնյակի, գինու, օղու կոմբինատի հետ, անսպասելի և անակնկալ աջակցություն ստացան Ծառուկյանից:
Ինչպես հայտնի ժողովրսական խոսքն է ասում, «կարկուտը ծեծած տեղն է ծեծում»: Այս տարի խաղողի բերքը քիչ էր, իսկ եղածն էլ վնասել էր կարկուտը: Հասկանալի է, որ դրա պատճառով խաղողագործները լուրջ խնդրի առաջ էին կանգնել, քանի որ խաղողի բերքն է նրանց ապրուստի միակ միջոցը: Հենց այս ամենը հաշվի առնելով՝ Գագիկ Ծառուկյանը կրկին իր օգնության ձեռքը մեկնեց խաղողագործներին՝ որոշելով բարձրացնել խաղողի մթերման նախօրոք որոշված գինը և այն մթերել 150 դրամով, որը այս պահին Հայաստանում խաղողի մթերման ամենաբարձր գինն է: Ի դեպ, կոնյակի արտահանման գինը նույնն է մնում, ինչը նշանակում է, որ Գագիկ Ծառուկյանը իր միջոցների հաշվին փոխհատուցեց գյուղացու կրած վնասը:
Սա նշանակում է, որ գյուղացու խնդիրն ու առօրյա հոգսը եղել և մնում է Գագիկ Ծառուկյանի ուշադրության կենտրոնում և նա միշտ պատրաստ է օգնության ձեռք մեկնել հույսը կորցրած և անելանելի վիճակում հայտնված գյուղացուն: