«Օրենքով գողերը» սկսել են բաժանել Ջանիևի հարստությունը

«Օրենքով գողերն» ակտիվորեն անցել են «քրեական գեներալ» Ռովշան Ջանիևի ժառանգությունը կիսելուն, որին հավակնում են «օրենքով գողեր» Հուսեյն Ահմադովը (Կույր Հուսեյն) և հեղինակություններ, ովքեր մոտ են Մերաբ Ջանգվելաձեին: Այս մասին գրում է Mzk1.ru-ն:
Ինչպես հայտնել է իրավապահ մարմնի աղբյուրը, Մոսկվայում Ջանիևի դիրքերը վերջին տարիներին խիստ թուլացել էին, այնտեղ նա այնքան էլ շատ բաժնեմասեր չուներ: Դրանցից ամենամեծը կանաչիի, մրգի և բանջարեղենի վաճառքով զբաղվող շուկան է:
Այս օբյեկտը Ռովշանինն էր իր ավագ ընկեր Մերաբ Ջանվելաձեի հետ միասին, այն կառավարում էր վերջինիս եղբայր Լևոնը: Ջանիևի մահից հետո այն անցել է Ջանգվելաձե եղբայրների վերահսկողության տակ: Ինչ վերաբերում է մանր առևտրային կետերին, ապա իրենց շեֆից զրկվածներն արագ լքել են այն, և այն կիսվել է տարբեր էթնիկ խմբավորումների ներկայացուցիչների միջև:
Շատ ավելի մեծ և լուրջ բաժնեմասեր ուներ «օրենքով գողը» Թուրքիայում, որտեղ էլ ապրում էր վերջին տարիներին: Դրանք մեծ թվով ընկերություններ են, որոնք աշխատում էին Ռովշանի հովանավորության տակ, հյուրանոցներ, թմրամիջոցի վաճառքի աղբյուրներ և այլն: Վերջին շրջանում նրա շրջապատում էին մի կողմից «օրենքով գող» Հուսեյն Ահմադովը, մյուս կողմից՝ Մերաբ Սուխումսկիի թիմից հեղինակություններ, այդ թվում՝ Դատո Չուրաձեն և Ռոինա Ուգլավուն:
Կույր Հուսեյնը ընկերոջ մահից հետո հայտնել է նրա ժառանգության մեծամասնությանը տնօրինելու մասին, և դա զարմանալի չէ:

operativ.am