Լենա Նազարյանի համոզմամբ՝ խորհրդարանի ներուժն օգտագործվում է արտահերթ ընտրությունները ձախողելու և հակահեղափոխական օրակարգ ձևավորելու համար
ՔաղաքականությունՀՀ ազգային ժողովի «Ելք» խմբակցության ղեկավար Լենա Նազարյանի համոզմամբ՝ խորհրդարանի ողջ ներուժն օգտագործվում է միայն մեկ նպատակի ՝ արտահերթ ընտրությունները ձախողելու և հակահեղափոխական օրակարգ ձևավորելու համար: «Արմենպրես»-ի հաղորդմամբ՝ Նազարյանը նման տեսակետ հայտնեց ԱԺ հերթական նիստում՝ անդրադառնալով պատգամավորներ Արփինե Հովհաննիսյանի և Գևորգ Պետրոսյանի «ԱԺ կանոնակարգ օրենք»-ում փոփոխություններ կատարելու նախագծին:
«ԱԺ կանոնակարգ օրենքի 50 –րդ հոդվածում ՀՀԿ պատգամավոր Արփինե Հովհաննիսյանը և «Ծառուկյան» խմբակցության պատգամավորներն առաջարկեցին լրացում, որով ի ցույց է տրվում ՀՀԿ-ի և նրան աջակցողների վախերը խորհրդարանական սպասվող ընտրությունների հետ կապված: Ըստ այդ առաջարկի՝ վարչապետի ընտրության ժամանակ, եթե լինեն խոչընդոտող հանգամանքներ և պատգամավորները չկարողանան ներկայանալ, ապա ԱԺ նախագահը կարող է հայտարարել, որ նիստը չկայացած է, արդյունքում ԱԺ-ն չի ցրվի: ՀՀԿ-ի վախն այն է, որ եթե վարչապետի հրաժարականի դեպքում քաղաքացիները որոշեն հավաքվել ԱԺ-ի մոտ ու թույլ չտալ, որ պատգամավորները մասնակցեն նոր վարչապետ ընտրելու նիստին, նիստը չհամարվի չկայացած, քանի որ երկու անգամ չկայացած համարվելու դեպքում ԱԺ-ն կլուծարվի: Ահա այսպիսի մեխանիզմների մշակմամբ է զբաղված ՀՀԿ-ն ԱԺ-ում»,- ասաց Նազարյանը:
Նրա կարծիքով՝ ողջ խորհրդարանի ներուժն օգտագործվում է մի նպատակի համար՝ արտահերթ ընտրությունները ձախողելու և հակահեղափոխական օրակարգ ձևավորելու վրա: «Ուրիշ որևէ բովանդակային գործառույթ այս հսկայական բյուջետային կառույցը քաղաքացիների հաշվին չի իրականացնում: Արտահերթ ընտրություններ տեղի չունեցան մայիսին միայն այն նպատակով, որ քաղաքական ուժերը հնարավորություն ունենան վերանայել իրենց քաղաքական գիծն ու հանրային աջակցություն ձեռք բերեն մի փոքր»,-նշեց Նազարյանը:
Նա շեշտեց՝ քաղաքական ուժերը գոնե չպետք է հակադարձեն քաղաքացիների կամքին:
1
2
3
4
5
1
2
4
5
2
4
