Լենա Նազարյանի խոսքերը ծնվել են իրավիճակին չտիրապետելու արդյունքում

Հասմիկ Աղաջանյանը ֆեյսբուքյան իր էջում գրում է.

Վերջին քաղաքական իրադարձությունները բազմաթիվ հարցերի և մտահոգությունների տեղիք են տալիս։ Սակայն քաղաքական իրավիճակը էլ ավելի անկայուն են դարձնում, այդ մասին կարծիք հայնտող, չկայացած կամ էլ մասամբ կայացած քաղաքական գործիչները, ովքեր անդրադառնալով նաև համաժողովրդական շարժմանը, այդ օրերին կատարվածը հնարավոր բոլոր եղանակներով փորձում են կապել միմիայն իրենց և իրենց թիմի հետ։ Եվ նրանց կարծիքով ովքեր, որ աջակցել են համաժողովրդական շարժման նպատակների լիակատար իրականացման գործընթացին, այդպես էլ պետք է մնա չբացահայտված։ Ինչպես պարզվում է, այդպիսի քաղաքական «գործիչների» շարքերում է նաև «Ելք» խմբակցության պատգամավոր Լենա Նազարյանը։Վերջինս նույնպես մտածում է, որ շարժմանը սատարելու և դրան նպաստելու վերաբերյալ խոսակցություններն իմաստ չունեն, քանզի յուրաքանչյուրն էլ իրենց հնարավորությունների չափով աջակցել են։ Շատ լավ, իսկ եթե բոլորն էլ իրենց հնարավորությունների չափով աջակցել են, որքանով է նպատակահարմար, ամեն անգամ շարժման և դրա հաղթանակի մասին խոսելիս անձնավորվում և մենաշնորհի է վերածվում այն: Սա տարակուսելի է առնվազն, որովհետև ստացվում է, որ այն ինչ չի կարելի բոլորին, կարելի է միայն Լենա Նազարայանի նմաններին: Սա հերթական դրսևորումն է, երբ փորձ է արվում սեփական արժեքն ու գործը, ավելի ներկայացնել, քան կա իրականում և դա այն դեպքում, երբ այդ գործի հաղթական ավարտը բնավ կախված չի եղել քեզանից, դու ուղղակի շարքային քաղաքացու կարգավիճակ ես ունեցել, ով այո հանդիսանալով շարժման հաղթանակի մի մասնիկ, արել է իր գործն այդքանով:
Լենա Նազարյանի հիշողությունից հավանաբար ջնջվել է շարժման օրերից այն հատվածները, երբ Գագիկ Ծառուկյանը և իր քաղաքական թիմը, ամեն կերպ փորձում էին աջակցել համաժողովրդական շարժմանը,երբ խորհրդարանում Փաշինյանի և իր գործընկերների անձեռնմխելիությունից զրկելու գործընթացին Ծառուկյանը շատ կոպիտ արձագանքեց, այդկերպ անկյունաքարային դերակատարություն ստանձնելով շարժման տրամաբանական և հաղթական հանգուցալուծմանը։ Վերոթվարկվածները մոռանալն անհնար է, բայց ուրանալ ինչպես տեսնում ենք հնարավոր է և կատարվածը սեփականաշնորհելը, չի բերի ոչ մի լավ բանի։
Ինչևէ, յուրաքանչյուր ոք կարող է կարծիք հայտնել, բայց ոչ ոք չի կարող իր կարծիքը փաթաթել մյուսի վզին և պետք է հասկանալ, որ «լոպազությունը» կարծիք հայտնել չէ։