ԲՀԿ-ի և «Եդինայա Ռոսիա»-ի 10 տարիների համատեղ աշխատանքի արդյունքը
ՀասարակությունՍյունԷ Խանդիլյանը ֆեյսբուքյան իր էջում գրում է.
Երկրի կայունության և միջազգային հարաբերությունների համաչափ զարգացման համար կարևոր նշանակություն ունեն միջպետական հարաբերությունների հաստատումն ու շարունակական փոխգործակցությունը։ Սա առանցքային նշանակություն ունի հատկապես, երբ խոսքը գնում է հարևան երկրների մասին։ Ահա այս նկատառումն է ընկած եղել «Բարգավաճ Հայաստան» կուսակցության և Ռուսաստանի իշխող «Եդինայա Ռոսիա» կուսակցության միջև ստորագրված համագործակցության հուշագրի հիմքում, որը ստորագրվել է դեռևս տասը տարի առաջ։
Երեկ ԲՀԿ նախագահ Գագիկ Ծառուկյանի հրավերով Հայաստան էին ժամանալ ՌԴ Դաշնային ժողովի Պետական դումայի ամենամեծ՝ «Եդինայա Ռոսիա» խմբակցության անդամները՝ խմբակցության ղեկավար Սերգեյ Նեվերովի գլխավորությամբ: Համագործակցության տասնամյակի առթիվ տեղի ունեցած պաշտոնական այցի շրջանակներում քննարկվել են Հայաստանի և Ռուսաստանի ռազմավարական և գործընկերային հարաբերությունների սերտացումն և շարունակականությունը ապահվելու հարցեր։ Ինչպես նաև կարևորվել է երկու երկրների օրենսդիր մարմինների ու հատկապես ԲՀԿ-ի ու «Եդինայա Ռոսիա» կուսակցությունների միջև առկա կապերն ավելի խորացնելու անհրաժեշտությունը: Ինչի համար է արդեն երկուստեք ներկայացուցիչներից կազմվել է աշխատանքային խումբ, որը պետք է իրականացնի բազմաթիվ մշակված խորագրեր՝ երիտասարդության համար, տնտեսական, մշակութային և մի շարք այլ ոլորտներում։
Սերգեյ Նեվերովն իր հերթին Գագիկ Ծառուկյանին հրավիրեց նոյեմբերի 22-ին Մոսկվայում կայանալիք կոնֆերանսին։
Արձանագրենք, որ մեզ համար կարևոր դաշնակից երկրի իշխող կուսակցության հետ նման սերտ հարաբերություններ հաստատելը մեր երկրի համար կարևոր նշանակություն ունի, և Գագիկ Ծառուկյանի ղեկավարած քաղաքական ուժը կշարունակի այսպիսի հարաբերությունները պահել կայուն հիմքերի վրա։ Ռուսական կողմը ևս շահագրգիռ է այսպսիսի գործընկերության համար և հավաստիացրել է, որ արտահերթ ընտրություններից հետո էլ ԲՀԿ-ի հետ հարաբերությունները կշարունակվեն՝ հույս հայտնել, որ ընտրությունների ընթացքում ԲՀԿ-ն կստանա ժողովրդի վստահության քվեն:
1
2
3
4
5
1
2
4
5
1
2
3
4
5
