«Է գերեզմանն էլ ա կայուն»․ նախկին վարչապետը բարկացավ

«Փոքրիկ մաֆիա է, որն ասում է՝ հանգիստ կապրենք»․ այսօրվա նիստից վրդովված ասաց ՀԱԿ խմբակցության պատգամավոր Հրանտ Բագրատյանը: Այնուհետև, դժգոհելով կառավարության վերջին 10 տարիների աշխատանքից, նա նշեց․ «100 անգամ ասել ենք՝ ինչի՞ չեք մեծացնում ներքին պարտքը, 6.2 մլրդ դոլարի պարտք, որից 1 մլրդ-ը ներքինն է, 5.2 մլրդ դոլարը՝ արտաքինը։ Եթե կես-կես լիներ, մենք էս օրին չէինք լինի»:
Վերջում Հրանտ Բագրատյանը բարեկամաբար խորհուրդ տվեց վարչապետին՝ ասելով. «Քշելով գրել 6-7 տոկոս, ասել՝ գնացեք ապահովեք։ Աշխատել է պետք»:
Մինչ այդ՝ պատգամավորը իր դժգոհությունը հայտնեց, ասելով, որ շուրջ 10 տարի է կառավարության մոտեցումները չեն փոխվում. «Ամենամեծ պրոբլեմը դուք եք․ փոխվարչապետն ա, ԿԲ ղեկավարն ա: Աճ եք խոսք տվել, գնացեք, գտեք էդ աճը: Ներդրումներն իջել են 19 տոկոս։ Իհարկե, մենք ձեզ ցույց կտանք այդ փողերի տեղերը: Ներդումներ ներգրավեք, բա դուք ինչի՞ համար եք, ձեզ ինչի՞ համար են աշխատավարձ վճարում»,- ասաց Հրանտ Բագրատյանն ու հավելեց, որ Կարեն Կարապետյանի կառավարության ներկայացրած բյուջեն, եթե անգամ կատարվի էլ, միևնույն է, այն նշանակում է՝ հետընթաց պետության համար: «Դուք ուզում եք ասեք՝ մի քայլ էլ հետ գնանք, հա՞: Հլա մի հատ պատկերացրեք․ գա Տիգրան Սարգսյանը, որն Անիի ավերակ սարքեց, գնաց: Ասում եք՝ կայունություն ենք ուզում։ Է գերեզմանն էլ ա կայուն, ավելի կայուն բան չկա»,- բարկացավ ՀԱԿ պատգամավորը: Նա կառավարությանը մեղադրեց թվանկարչության մեջ: Ըստ նրա՝ ՀՀ-ում չկա 761 հազար տոննա կատրոֆիլ, 311 հազար տոննա խաղող, որ պետությունն ակնկալի դրանց արտահանում: