Գագիկ Ծառուկյանն իր համբավն ու հեղինակությունը ծառայեցնում է երկրի զարգացմանը

Հասմիկ Աղաջանյանը ֆեյսբուքյան իր էջում գրում է.

Տեղեկատվական տեխնոլոգիաների ոլորտը աշխարհում ամենաարագ զարգացող ոլորտներից մեկն է և բոլոր երկրներում հանդիսանում է կարևորագույն գործոն՝ երկրի տնտեսության կայունացման և զարգացման գործում։ Ցավոք մեր երկրում ՏՏ ոլորտը կործանման եզրին է, և եթե չլինեն զարգացման ծրագրեր և խոշոր ներդրումներ,ապա դա կհանգեցնի լուրջ դժվարությունների։ Եվ հենց այդ բացը լրացնելու նպատակով էլ, «Մուլտի Գրուպ» կոնցեռնի և համաշխարհային ճանաչում վայելող «Օմնիա Թեք» ընկերության համագործակցության արդյունքում երեկ Հայաստանում բացվեց իր տեսակի մեջ նմանը չունեցող և աշխարհում ամենամեծ մայնինգ ֆերման։Գաղտնիք չէ, որ վերջին շրջանում կրիպտորարժույթի վերաբերյալ ինֆորմացիան ամենապահանջվածն ու ամենատարածվածն է ողջ աշխարհում, և այդ մասին խոսելը համարում եմ ավելորդ, քանզի գրեթե բոլորն էլ քաջատեղյակ են կրիպտոարժույթի մասին։Այսպիսի մայնինգ ֆերման, լուրջ խթան կհանդիսանա մեր երկրի տնտեսական զարգացման գործում և հնարավորություն կընձեռնի մեր ապագա սերունդներին, հենց մեր երկրում խորանալ ՏՏ ոլորտի մեջ։Արդեն իսկ կատարվել են բավականին մեծ ներդրումներ և երեկ պարզ դարձավ, որ բազմաթիվ օտարերկրյա ներդրողներ ևս պատրաստվում են ներդրումներ իրականացնել, ինչը շատ ուրախացնող է։Սակայն չէր լինի այդ ուրախացնող հանգամանքը, եթե չլիներ Գագիկ Ծառուկյանը, ով իր ողջ համբավն ու հեղինակությունը օգտագործում է մեր երկրի զարգացման համար։
Այս մայնինգ ֆերման բացի այն, որ կլուծի տնտեսական աճի բարելավման խնդիրը, նաև հազարից ավել երիտասարդների կապահովի աշխատանքով, ինչը կարծում եմ, որ ներկայիս Հայաստանի ամենալուրջ խնդիրներից է։Սակայն դա էլ դեռ վերջը չէ,քանի որ Գագիկ Ծառուկյանը մոտ ապագայում պատրաստվում է բացել ևս երկու խոշոր գործարան, որոնց շնորհիվ էլ Հայաստանը կկարողանա դուրս գալ խորը տնտեսական ճգնաժամից։