Թրամփը Էր Ռիադի դեմ պատժամիջոցների հարցը կթողնի Կոնգրեսի քննարկմանը
ԱշխարհԱՄՆ-ի նախագահ Դոնալդ Թրամփը հայտարարել Է, որ լրագրող Ջամալ Հաշքաջիի սպանության կապակցությամբ Սաուդյան Արաբիայի նկատմամբ պատժամիջոցների սահմանման հարցը կթողնի Կոնգրեսի քննարկմանը, տեղեկացնում Է «Արմենպրես»-ը:
«Ես այդ հարցը թողնում եմ սենատորներին, որոնք կզբաղվեն դրա լուծմամբ: Ես այն թողնում եմ Կոնգրեսին»,- հոկտեմբերի 23-ին ասել Է նա՝ Սպիտակ տան Ձվաձեւ առանձնասենյակում պատասխանելով լրագրողների հարցերին: Նախագահի ելույթը հեռարձակել Է CNN հեռուստաընկերությունը:
«Սենատորներից ոմանք ինձ ասել են, թե ցանկանում են, որ (Սաուդյան Արաբիայի կողմից) այդ ներդրումները շարունակեն ստացվել: Դա չի նշանակում, թե ոչինչ չի արվելու, միեւնույն Է ինչ-որ պատիժ անհրաժեշտ Է»,- նշել Է Թրամփը:
«Ես այդ հարցը, ի վերջո մենք ինչպես կվարվենք, թողնում եմ Կոնգրեսի քննարկմանը, որն այն կլուծի ինձ հետ»,- հայտարարել Է նախագահը: Թրամփը բազմիցս ընդգծել Է, որ ինքը հանդես Է գալիս Էր Ռիադի նկատմամբ պատժամիջոցների դեմ, որոնք կարող են վնաս հասցնել իր իսկ Միացյալ Նահանգների տնտեսությանը, հաղորդել Է ՏԱՍՍ գործակալությունը:
1
2
3
4
5
1
2
3
4
5
2
3
4
5
