Իրեն բռնաբարելու մեջ հորը մեղադրած աղջիկը պարզաբանումներ է մտցնում

Դաղստանցի լուսանկարիչ Լայլա Զաքիեւայի հետ կապված սկանդալը նոր զարգացումներ է ստանում: Հիշեցնենք, որ Մախաչկալայից լուսանկարչուհուն դատապարտել էին «Արի ամուսնանանք» հաղորդման ընթացքում արած սկանդալային խոստովանության համար, որտեղ Լարիսա Գուզեեւայի եւ Ռոզա Սյաբիտովայի հյուրը պատմել էր, որ մի քանի տարի շարունակ սեռական բռնության է ենթարկվել հարազատ հոր կողմից:

Բարձրացած աղմուկից հետո Լայլան շտապել է իր տարբերակը ներկայացնել: Աղջկա խոսքով՝ «Արի ամուսնանանքի» հաղորդավարուհին հատուկ է ուշադրությունը կենտրոնացրել հերոսուհու եւ հոր հարաբերությունների ուղղությամբ:

Ըստ Life-ի՝ սոցցանցերի դաղստանցի օգտատերերը շարունակում են քննադատել 21-ամյա Զաքիեւային: Նրանք վստահ են, որ Լայլան մտածված է մասնակցել հաղորդմանը՝ հորը զրպարտելու եւ կասկածելի փառք ձեռք բերելու համար: Նրանք չեն հավատում, որ աղջիկն անկեղծորեն ցանկանում էր փեսացու գտնել:

Չդիմանալով սոցցանցերում ճնշումներին՝ Լայլան իր արարքը մեկնաբանել է Instagram-ում: Նրա խոսքով՝ սկանդալային հայտարարությունն արել է հաղորդավարուհու՝ Լարիսա Գուզեեւայի ճնշման ներքո.

«Մինչ «Արի ամուսնանանք» հաղորդմանը մասնակցելն այն ինձ դուր էր գալիս: Բայց չէի կարծում, որ Գուզեեւան ամեն ինչ շուռ կտա եւ կխայտառակի ինձ հանուն իր փիարի՝ իմանալով, թե ինչպիսի արձագանք կլինի: Չեմ ժխտում, որ գնացել էի՝ ծանր մանկության համար հորիցս վրեժ լուծելու համար»,- գրել է Լայլա Զաքիեւան:

Հիշեցնենք, որ «Արի ամուսնանանք» հաղորդմանը մասնակցելու պատճառով Լայլա Զաքիեւային Մախաչկալայում ազատել են սրճարանից, որտեղ նա որպես լուսանկարիչ էր աշխատում: