Բռնցքամարտի զարգացումը հնարավոր չէ Արթուր Գևորգյանի նախագահության օրոք

Դավիթ Հայրապետյանը ֆեյսբուքյան իր էջում գրում է.

Սպորտը այն ոլորտներից մեկն է, որը միշտ գտնվում է հանրության ուշադրության կենտրոնում: Եվ ինչպես ցանկացած այլ ոլորտ այն ունի իր և դրական, այնպես էլ բացասական կողմերը: Կան մարդիկ որոնք նպաստում են նրա զարգացմանը և կան նաև այնպիսիները, որոնք միայն անձնական շահի տեսանկյունից ելենելով, կարողանում են ինչ-որ ճանապարհներով պաշտոններ ստանալ ու արդյունքում այն անցնում է դեգրադացման փուլ:
Այսպես դեգրադացման փուլում է գտնվում նաև հայկական բռնցքամարտը: Արթուր Գևորգյանը բոլորիս էլ հայտնի ճանապարհներով կարողացել է դառնալ Բռնցքամարտի ֆեդերացիայի նախագահ, և երբ երկրում տեղի ունեցավ քաղաքական իրավիճակի փոփոխություն, նաև փոփոխություններ կատարելու հնարավորություն ստեղծվեց նաև բռնցքամարտի ոլորտում: Բայց արի ու տես, Արթուր Գևորգյանը կազմակերպեց Բռնցքամարտի ֆեդերացիայի նախագահի ընտրություններ, բայց արդարության համար պետք է նշեմ, որ դրանք անօրինական կերպով ընթացան, քանի որ ոչ բոլորն էին հրավիրված մասնակցելու ընտրություններին և բացի պայմաններ չէին ստեղծվել՝ այլ թեկնածուների ևս առաջադրելու համար:
Այս իրավիճակից հետո էլ բազում մարզիչներ ու մարզիկներ դիմեցին ՀԱՕԿ նախագահ Գագիկ Ծառուկյանին, ով էլ հանձնարարեց հետևողական լինել խնդրին և ճիշտ լուծումներ գտել:
Միայն այն փաստը, որ միջազգային մրցումներին մասնակցում էին ծանոթ ունենալու միջոցով, ուղղակիորեն անթույլատրելի է:
Այս ամենից հետո Արթուր Գևորգյանը խոսում է նրա մասին, թե իր դեմ դավեր են նյութվում, թե այս իրավիճակը ստեղծվել է այն պատճառով, որ ինքը ցանկանում է իր թեկնածությունը առաջադրել 2020 թվականի ՀԱՕԿ նախագահի ընտրությունների ժամանակ:
Հարգելիս, մի բան պարզ է, որ ՀԱՕԿ նախագահը ընտրվել է պարզ և ազնիվ ճանապարհով, ի հեճուկս Ձեզ: Ու վստահ կերպով կարող եմ ասել, եթե դուք առաջադրեք Ձեր թեկանծությունը, ապա դա նման է լինելու Բեռլինյան պատին, քանի որ դուք քանդված մարդ եք:
Մի հատ նայեք թե դուք ինչ եք արել սպորտի զարգացման համար ու նայեք Գագիկ Ծառուկյանի արածները: Նայելուց բայց զգույշ կլինեք, քանի որ սարեր ձորերի տարբերություն է: Կտեսնեք մի աստիճան, որի վերին հարթակում կանգնած է Գագիկ Ծառուկյանը, իսկ ամենաստորին, կարելիա ասել չերևացող մակարդակում դուք եք: Դուք բռնցքամարտը, նորից կասեմ՝ տարել եք դեգրադացման ճանապարհով և հնարավորինս շուտ այն պետք է փրկել Ձեր ձեռքերից: Եթե չփրկենք, ապա կարելի է ասել մենք զրկվում ենք ապագայում տեսնել հայ բռնցքամարտիկներին միջազգային մրցումներում մեդալներ նվաճելիս:
Եվ բացի այդ շատ լավ կլիներ, որպեսզի անադեկվատ հայտարարություններ չանեիք: Եթե չլիներ Գագիկ Ծառուկյանի սպորտային վառ ընդգծված քաղաքականությունը, ապա չէին լինի այն հաջողությունները, որ վերջերս գրանցեցին հայ մարզիկները ծանրամարտի Աշխարհի առաջնության ժամանակ և ոչ միայն: Գագիկ Ծառուկյանը միշտ էլ իր ուշադրության կենտրոնում է պահել հայ մարզիկներին և հնարավորինս չափով հոգացել նրանց կարիքները և բազում անգամ, նրանց վնասվածքները բուժելու համար իր անձնական միջոցներից է տրամադրե: Նա ստեղծել է այնպիսի հարթակ, որտեղ յուրաքանչյուր մարզիկ մարզվում է այն պայմաններում, ինչպես կմարզվեր եվրոպական ցանկացած պետությունում: Հասկանում ենք, որ ինչ որ ճանապարհով փորձում եք այնպես անել, որպեսզի Ձեր անուն էլ շրջանառվի մամուլում, բայց հարգելիս պարզապես հասկացեք, դուք այն մարդը չեք ում մասին արժի ընդհանարպես խոսել: