Իրավիճակն Ազովի ծովում լրջանում է․ ուկրաինացի դիվանագետը կկանչվի ՌԴ ԱԳՆ
ԱշխարհՌԴ-ում Ուկրաինայի գործերի ժամանակավոր հավատարմատարն այսօր կկանչվի ՌԴ ԱԳՆ: Այդ մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան Россия-24-ի եթերում:
Նրա խոսքով` պատճառը ուկրաինական կողմի սադրիչ եւ ագրեսիվ գործողություններն են:
Նա նաեւ ասել է, որ Արեւմտյան երկրները, որոնք ազդեցություն ունեն Ուկրաինայի վրա, պետք է Կիեւին ազդանշան ուղարկեն` ՌԴ-ի դեմ սադրիչ գործողությունները դադարեցնելու անհրաժեշտության մասին:
Երեկ ուկրաինական մի քանի նավեր Ազովի ծովում հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք եւ չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:
ՌԴ-ն քրեական գործ է հարուցել եւ ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված:
1
2
3
4
5
1
2
5
1
2
3
5
