Ծռերը մոռանում են, որ ցեխ շպրտելիս այն կարող է և հասցեատիրոջը չհասնել, բայց նրանց ձեռքերը դրանից հետո ցեխոտ են մնում

Մանե Առաքելյանը ֆեյսբուքյան իր էջում գրում է.

Քարոզարշավը հետզհետե մոտենում է իր տրամաբանական ավարտին: Քաղաքական ուժերից որոշները ակտիվ և բավական հաջող նախընտրական քարոզարշավ են կարողանում տանել, իսկ մյուսները, օբյեկտիվ պատճառներից ելնելով, բավական պասիվ են: Վերջիններիս թվին է պատկանում նաև <Սասնա ծռեր> կուսակցությունը:

Սկանդալային և արմատական մոտեցումներով հայտնի այս կուսակցության քարոզարշավը բավական անհետարքրքիր և պասիվ է անցնում: Թերևս հենց այս հանգամանք էլ նրանց այսօր ստիպել է անցնել քաղաքական էթիկայի ռուբիկոնը, և այլ կուսակցության վրա ցեխ շպրտելով՝ փորձել իրենց հաշվին միավորներ կուտակել: Մասնավորապես այսօր Գարեգին Չուքասզյանը ԲՀԿ-ի հասցեին իրեն թույլ է տվել արտահայտություն, թե իբր, ի տարբերություն ԲՀԿ-ի, Սասնա ծռերի խոսքը իսկապես գործ է:

Նախ, մի կողմ դնելով այն փաստը, որ ԲՀԿ-ի և Գագիկ Ծառուկյանի ազգանպաստ գործունեությունը շուրջ երկու տասնամյակ է՝ ժողովրդի աչքի առաջ է, ծռերի կողմից սա կատարյալ քաղաքական երեսպաշտություն է: Այդ ե՞րբ է հասարակությունը «Բարգավաճ Հայաստանի» գոյության ողջ ընթացքում գեթ մի պահ ականատես եղել վերոնշյալ կարգախոսի խզմանը: Երբե՛ք:

Պարզապես ծռերի «մաուզերական» բնույթը քարոզարշավի ընթացքում արդեն որերորդ անգամ գլուխ է բարձրացրել: Ախր ձեզ ասեցին էլ. «հանկարծ չշշկռեք»:
Ծռերը մոռանում են նաև, որ ցեխը, որը շպրտում ես ուրիշի ուղղությամբ, կարող է և նրան չհասնել, բայց քո ձեռքերը ցեխոտ են մնում: