Լուսավոր Հայաստանի անդամների վերջին շրջանում անհասկանալի և անկանոն դրսևորումները վառ ապացույցն են նրանց փոքրոգիության

Սևակ Հակոբյանը ֆեյսբուքյան իր էջում գրում է.

Ընտրությունների նախաշեմին պայքարը քաղաքական ուժերի միջև, դա բնական երևույթ է, եթե այն չի հատում կոռեկտության սահմանը, սակայն ընտրություններից հետո ԼՀԿ-ի նման պահվածքն ուղղակի ճղճիմություն է: Ինչպես բոլորը տեսան, ընտրություններից հետո ԲՀԿ առաջնորդը մեծահոգաբար շնորհավորեց խորհրդարան անցած քաղաքական ուժերին, որոնց շարքում էր նաև ԼՀԿ-ն, իսկ Էդմոն Մարուքյանենք ոչ մի կերպ չեն կարողանում համակերպվել իրենց քաղաքական պարտության հետ և չեն կարողանում արժանապատիվ կերպով ընդունել դա: Ահա և դրա արդյունքում էլ թիրախավորել են ԲՀԿ-ին և Գագիկ Ծառուկյանին, մինչդեռ դրա փոխարեն, տղամարդկություն պետք է ունենաին ու ընդունեին ժողովրդի որոշումը: Առանց դրա հավատացեք, ոչ քաղաքական դաշտն է կայունանալու, ոչ էլ կառուցողական աշխատանքի ենք ականատես լինելու խորհրդարանում, այնպես որ հորդորում ենք սթափվել և ընդունել իրականությունն այնպես ինչպես որ կա և չփորձել մանիպուլացիանարի դիմել կամ սադրել մյուս քաղաքական ուժերին, դա ոչ մի լավ բանի չի հանգեցնելու: