Հայաստանի բռնցքամարտի ֆեդերացիայի նոր լեգիտիմ ընտրություններ կանցկացվեն
Սպորտ
Աբել Մկրտչյանը ֆեյսբուքյան իր էջում գրում է.
Կարծում եմ բոլորս ենք հիշում, թե ինչպիսի անառողջ միջավայր էր ստեղծվել հայկական բռնցքամարտի շուրջ այն բանից հետո, երբ ոլորտը տապալած Արթուր Գևորգյանը որոշել էր օգոստոսի 2-ին հապճեպ նոր ընտրություններ կազմակերպել: Զավեշտալին այն էր, որ միակ թեկնածուն ինքն էր, և հենց ինքն էլ «ընտրվեց»:
Բնականաբար, սա չէր կարող չհարուցել մարզաշխարհի արժանապատիվ ներկայացուցիչների զայրույթը, ովքեր ոտքի կանգնեցին՝ պահանջելով արդարության վերականգնում:
Խնդրին ստիված էր միջամտել ՀԱՕԿ-ը, քանզի վերոնշալ անձնավորության գործողությունները ուղղակի պախարակում էին հայկական բռնցքամարտը միջազգային ասպարեզներում:
Ե՛վ սպորտի նախարարը, և՛ ՀԱՕԿ գլխավոր քարտուղարը Արթուր Գևորգյանին կոչ արեցին մերկապարանոց հայտարարություններ չանել, և ընդունել նոր ընտրություններ անցկացնելու կառուցողական առաջարկը: Վերջինս կոմպրոմիսային ոչ մի քայլի չգնաց՝ Հայաստանի բռնցքամարտի ֆեդերացիան համարելով սեփական դուքյանը:
Այսօր արդեն ՀԱՕԿ գլխավոր քարտուղարը հրապարակել է ԱԻԲԱ-ից (բռնցքամարտի միջազգային միություն) ստացված նամակը, ովքեր ուսումնասիրել են օգոստոսի 2-ի ֆեդերացիայի նախագահի ընտրությունները, և փաստել, որ դրանց լեգիտիմ չեն եղել և հակասել են ԱԻԲԱ-ի կանոնադրությանը:
Այսպիսով՝ անցկացվելու են նոր լեգիտիմ ընտրություններ, որոնք կանցկացվեն ԱԻԲԱ-ի դիտորդի և ՀԱՕԿ վերահսկողության ներքո, որպեսզի կանխարգելվեն ֆեդերացիան սեփականաշնորհելու հետագա փորձերը ևս:
Արթուր Գևորգյան, ականջդ կանչի, տեսա՞ր, որ արդարությունը հաղթում է վաղ, թե ուշ:
1
2
3
4
5
1
2
3
4
5
1
2
3
4
5
