Պալաչի նման սրբություն չունեցող ու չհարգող «մարդու» տեղն աղբամանն է

Ալվինա Կիրակոսյանը ֆեյսբուքյան իր էջում գրում է.

Քննչական կոմիտեի պաշտոնական կայքից տեղեկություն տարածվեց այն մասին, որ ոստիկանության նախկին պետին՝ Վլադիմիր Գասպարյանին, մեղադրանք է առաջադրվել ոստիկանության բարձրաստիճան պաշտոնատար անձի կողմից պաշտոնական լիազորությունները չարաշահելու վերաբերյալ։ Այս ամենի հետ փաստորեն ինչ-որ կերպ առնչություն ունի նաև հանրությանը Խալաչ մականվամբ հայտնի Արթուր Հարությունյանը, ինչի կապակցությամբ էլ լրատվական կայքերից մեկը փորձեց պարզել փաստի իսկությունը և հեռախոսակապի միջոցով կապ հաստատեցին Պալաչի հետ, ով կոնկրետ հարցերին պատասխանելու փոխարեն, սկսել է երգել իր հին երգը՝ իբրև թե իր խնդիրը Գագիկ Ծառուկյանի հետ է: Հարց է առաջանում, թե ինչ խնդիր պետք է ունենա այն մարդու հետ, ով տարիներ շարունակ օգնել է նրան և նրա ընտանիքին: Սակայն նա այդ ամենը չի գնահատել և թշնամաբար է սկսել վերաբերվել Գագիկ Ծառուկյանին՝ մեղադրելով նրան իր խնդիրների մեջ: Նա թերևս մոռանում է այն, որ ամեն մարդ ինքն է մեղավոր իր բոլոր խնդիրների համար: Անամոթաբար խոսում է այն մասին, որ նրա միջքաղաքային ուղրևորափոխադրումներ իրականացնող ընկերությունները սննկացան այն ժամանակ, երբ «Գագիկ Ծառուկյան» բարեգործական հիմնադրամի աշխատակիցները այդ նույն ուղղություններով իրականացրեցին անվճար ուղևորափոխադրումներ, որոնք մեծ վնասներ հասցրեցին իր ընկերություններին: Նշեմ, որ «Գագիկ Ծառուկյան» բարեգործական հիմնադրամի կողմից ուղևորափոխադրում իրականցվում է ավելի քան 20 տարի, իսկ ահա Պալաչի նշված ընկերությունները գործում են 2009թ.-ից: Եվ նաև նշեմ այն, որ բարեգործական ավտոբուսները շահագործվում են հասարակ և կարիքավոր խավի ժողովրդի համար: Նման ստոր ստից հետո նա մոռացավ նաև այն փաստը, որ հենց Գագիկ Ծառուկյանը կանգնեց իր և իր ընտանիքի կողքին, երբ նրա ընկերությունների սննկացման պատճառով հայտվեց վարկերի տակ: Վարկերը չմարելու պատճառով «Առեքսիմ» և «Պրոմեթեյ» բանկերը գրավի տակ գտնվող նրա ամբողջ գույքը առգրավվեցին, իսկ Գագիկ Ծառուկյանը այդ նույն բանկերից ետ գնեց նրա հայրական տունը, ավտոլվացման կետը և բենզալցակայանը և անշահախնդրորեն նվիրեց Պալաչի ծնողներին: Բայց Պալաչը այնքան ստոր և նենգ անձնավորություն դուրս եկավ, որ այսքանից հետո կրկին գրավի տակ դրեց իր հայրական տունը՝ մեկ վայրկյան անգամ չմտածելով ծնողների մասին: Նման սրբություն չունեցող և չճանաչող մարդուց լավ բան ակնկալելը ուղղակի կլինի հիմարություն, քանի որ «Կարմիր կովը իր կաշին չի փոխում» ասածը հենց նրա մասին է:
Գույքի դիմաց ստացած գումարը նա այս ու այն կողմ վատնելուց և առանց կոպեկի մնալուց հետո միայն հիշեց, որ իր խնդիրները մեղմ ասած ուրիշինն են, իսկ մինչ այդ նա իր հարցազրույցներից մեկում անգամ ներեղություն է խնդրել Գագիկ Ծառուկյանից: Սա փաստում է, որ Պալաչի արած յուրաքանչյուր արտահայտություն անկայուն է և չի կարող լրջություն պարունակել իր մեջ: