Պատմությունը կրկնվում է, Պալաչը չի դադարում մերկապարանոց հայտարարություններ անելը

Լենա Ավետիսյանը ֆեյսբուքյան իր էջում գրում է.

Տարիներ ի վեր մեր ժողովրդի մեջ տարածվել է նման արտահայտություն՝ «փչացած պլաստինկա», այսպես անվանել են այն մարդկանց, ովքեր անընդհատ նույն «երգն» են երգում, ամեն պատեհ անպատեհ առիթի դեպքում արտահայտում են իրենց կպչուն մտքերը։ Ահա մի այսպիսի մարդու ճակատագրական սխալներին էլ անրադարձ ենք կատարելու այսօր, խոսքը Արդուր Հարությունյան՝ «Պալաչի», մասին է։ Վերջինս ժամանակ առ ժամանակ հայտնվում է լրատվականների տեսադաշտում, անձնական շահից ելնելով «շռայլում» է մեղադրանքներ, իրեն հարիր ոճով որոշ ժամանակ անց ներողություն է խնդրում և անհետանում։ Այժմ Պալարը գտնվում է Բելգիայում, բայց նույնիսկ հեռավորության վրա, կարողանում է խնդիրներ ստեղծել և բամբասանքներ տարածել։ Վերջին տրիվիալ հայտարարությունը, որ արել է Հարությունյանը՝ վերաբերում է «Գագիկ Ծառուկյան» բարեգործական հիմնադրամին ու դրա ծավալած գործունեությանը՝ անվճար երթուղիների մասով։ Իր ոչ ու փուչ լինելու փաստը քողարկելու նպատակով, Պալաչը իր բիզնեսի սննկացման մեջ մեղադրել է բարեգործական հիմնադրամի անվճար երթուղիներին, բայց նույնիսկ անզեն աչքով նայելիս պարզ է դառնում, որ բիզնես հոտառությունից զուրկ այս մարդուն սննկանալու համար մեծ ջանքեր պետք չէին։ Նույնիսկ այն հանգամանքը, որ Հարությունյանը իր բիզնեսը ստեղծելու համար վերձրել էր հսկայական վարկեր, գրավ էր դրել հայրական տունն ու պարտքով գումարներ էր վերցրել հարազատներից ու ընկերներից, նրան հետ չկանգնեցրեց, ու նա փախավ երկրից։ Պալաչի բացակայության ընթացքում՝ այն բանկերը, որոնց հանդեպ Հարությունյանը ֆինանսական պարտավորություններ ուներ, գրավադրված գույքը օրենքի ուժով առգրավեցին։ Այդ բանկերն էին Առեքսիմբանկ ՓԲԸ-ն և Պրոմեթեյ բանկը։ Պալաչի գրավադրված սեփականությունը, որը փաստացի այդ ժամանակ արդեն բանկերինն էր, ձեռք է բերվել «Մուլտի Գրուպ»-ի կողմից, ու մեծահոգաբար հայրական տունը, ավտոլվացման կետն ու բենզալցակայանը հետ է վերադարձվել Արթուրի ծնողներին։ Այս պատմությունը այսքանով կավարտվեր, եթե «փչացած պլաստինկա» տերմինը չբարձրանար ջրի երես։ Բանկերի հետ լուծված խնդիրները ենթադրում էին, որ գոնե Պալաչի ծնողները կկարողանան հանգիստ ապրել, բայց նրանց զավակը առանց վարանելու, անհայտ պատճառներով, կրկին գրավադրել է իր հայրական տունը և այն այս պահին գրավադրված է։
Պատմությունը կրկնվում է, գրավադրված տանը զուգահեռ Պալաչը կրկին իր նախկին անհաջողությունների մեջ մեղադրում է Ծառուկյանին։
Արթուր Հարությունյանը պետք է վաղուց հասկացած լիներ, որ իր մերկապարանոց հայտարարությունները այլևս ոչ ոքի չեն խաբի, ու խուճապի չեն մատնի։ Այստեղ լավագույն տարբերակը կլինի, եթե նա փակվի մենախցում, ու մի լավ մտածի, թե ինչ խղճով է նայելու այն մարդկանց աչքերին, ովքեր դժվարության պահին իրեն ձեռք են մեկնել: