Կիեւյան կամրջի վրա 4 մեքենաներ են բախվել իրար. կան տուժածներ, որոնցից մեկը 7 տարեկան է
ՀասարակությունՀայաստանի ԱԻՆ-ում, դեկտեմբերի 23-ին, ժամը 19:53-ին «911» ծառայությանն ահազանգ է ստացվել, որ Երեւան քաղաքի Կիեւյան կամրջի վրա տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ եւ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ բախվել են «BMW 318», «Opel Astra G», «Opel Corsa», «ՎԱԶ-2101» (վարորդը՝ Ա. Բ., ծնված 1996 թ.) եւ «Toyota Camry» մակնիշերի ավտոմեքենաները:
Մինչ փրկարարների՝ կանչի վայր հանելը, «Toyota Camry» մակնիշի ավտոմեքենայի ուղեւորը՝ 7-ամյա Մ. Ս.-ն հոսպիտալացվել է «Արաբկիր» ԲԿ, որտեղից տեղափոխվել է «Սուրբ Աստվածամայր» ԲԿ, որտեղ ստանալով համապատասխան բուժօգնություն՝ դուրս է գրվել:
Փրկարարները «ՎԱԶ-2101» մակնիշի ավտոմեքենայից դուրս են բերել Ա. Բ.-ին եւ մոտեցրել շտապօգնության ավտոմեքենային: Տուժածը հոսպիտալացվել է «Հերացի» թիվ 1 հիվանդանոցային համալիր, որտեղից տեղափոխվել է «Իզմիրլյան» ԲԿ, որտեղ բժիշկները նրա առողջական վիճակը գնահատել են բավարար:
1
2
3
4
5
1
2
5
1
3
