Ասում են փող չկա, փողի տեղը ցույց եմ տալիս, բայց բան չի փոխվում

Էդիկ Բաղդասարյանը գրում է․

Առաջ մտածում էի, որ համակարգը չի աշխատում, շարժիչը ժանգոտած է, պետք է մաքրել, յուղել ու աշխատացնել, հիմա արդեն եկել եմ այն համոզման, որ շարժիչը ոչ թե ժանգոտած է, այլ ընդհանրապես շարժիչ չկա։ Այդ պատճառով էլ բանակի խնդիրները լուծվում են առաձին անհատների միջոցով եւ միջոցներով։ Եթե այդ անհատները չլինեին աշխարհի տարբեր ծայրերից, եթե ժողովուրդը ոտքի չկագներ, չհամախմբվեր բանակի խնդիրների մի մասն առայսօր չէին լուծվի։ Իսկ ինչու հետախուզության փողերը կերած Արշակ Կարապետյանը կամ փոխնախարար Ալիկ Միրզաբեկյանը, որ բոլոր գործարքներից առյուծի բաժին ուներ, պիտի գնան ու հանգիստ ուտեն գողացած միլիոնները։ Բայց նաեւ նրանց գործունեության հետեւանքով ենք ունեցել այդքան զոհեր։ Սահմանում տոթ է, ինչպես ամեն տարի այս ժամանահատվածում։ Զինվորների կողքին մի քանի րոպե կանգնում ես, միագամից ջուր ես դառնում։ Տարիներ շարունակ, երբ ասում էի, որ զինվորները պետք է ամառային համազգեստ ունենան, պատասխանում էին փող չկա։ Հիմա էլ նույն պատասխանն եմ ստանում։ Այդ ժամանակ ես փողի տեղը ցույց էի տալիս, հիմա էլ եմ ցույց տալիս, բայց միեւնույնն է բան չի փոխվում։