Թրամփի առաջին խոշոր անակնկալը
Աշխարհ
ԱՄՆ նորընտիր նախագահ Դոնալդ Թրամփի շուրջ բավական աժիոտաժ է առաջացել աշխարհում, եւ դա բնական է՝ համաշխարհային տնտեսական ու քաղաքական առաջատար երկրի նոր նախագահի ընտրությունը չի կարող աժիոտաժ չառաջացնել:
Բացի այդ, կա մեկ այլ հանգամանք էլ: Ընդունված կարծիք կա, որ Թրամփին արտաքին քաղաքականությունը չի հետաքրքրում, եւ նա վարելու է այսպես ասած իզոլյացիոնիստական քաղաքականություն:
Այս հանգամանքը նույնպես աժիոտաժի պատճառ է: Բանն այն է, որ պետությունների, քաղաքական տարբեր խմբավորումների ու կորպորացիաների մի մասը կցանկանար, որ ԱՄՆ-ն վարեր ակտիվ արտաքին քաղաքականություն: Մեկ այլ մասն էլ, ընդհակառակը, ուրախ կլիներ նման քաղաքականության բացակայությամբ: Եվ բոլորը միասին, միաժամանակ, հասկանում են, որ աշխարհի միակ գերտերության մեկուսացումը կարող է քաոսի մատնել աշխարհը:
Մյուս կողմից, սակայն, ԱՄՆ-ն չի կարող լուծել իր խնդիրներն առանց արտաքին ակտիվ քաղաքականության, նկատի առնելով այդ գերտերության քաղաքականության ու տնտեսության գլոբալ բնույթն ու պատասխանատվությունը:
Օրինակ, Օբաման իր պաշտոնավարման ընթացքում վարում էր նման քաղաքականություն, բայց վերջին տարիներին ստիպված էր փոխել այդ քաղաքականությունը բազմաթիվ խնդիրների ու մարտահրավերների պատճառով:
Արդյոք իսկապես Թրամփը վարելու է իզոլյացիոնիստական քաղաքականություն: Թրամփի նախընտրական ծրագրում կան մի շարք կետեր, որոնք վկայում են արտաքին քաղաքականության բավական կոշտ գծի մասին: Օրինակ, նշվում է, որ ովքեր համագործակցեն ԱՄՆ-ի հետ, նրանք հրաշալի հարաբերություններ կունենան: Մեկ այլ կետով էլ նշվում է, որ ԱՄՆ-ն պատրաստ է ուժի կիրառմամբ պարտադրել խաղաղություն:
Ի՞նչ են նշանակում այս կետերը, արդյոք ԱՄՆ-ն Թրամփի օրոք վարելու է այսպես ասած «պասիվ ու կոշտ» արտաքին քաղաքականություն, թե սա միջազգային գործերին ակտիվ ներգրավվածության ակնարկ է:
Ըստ ամենայնի, Թրամփի առաջին անակնկալը լինելու է մեկուսացման քաղաքականության կարծրատիպը կոտրելը, ընդ որում՝ բավական կոշտ:
1
2
3
4
5
2
3
5
1
2
3
4
5
