Մեծ Բրիտանիան կվերանվանի ստրկավաճառի պատվին անվանված հրապարակը
ԱշխարհՄեծ Բրիտանիայի Պլիմուտ քաղաքում հրապարակը, որն անվանվել է ի ստրկավաճառ Ջոն Հոկինսի, կվերանվանեն ի պատիվ «Պլիմուտ Արգայլ» ֆուտբոլային ակումբից սեւամորթ Ջեկ Լեսլիի (1901-1988), ում ռասայական խտրականության պատճառով մերժել էին եւ չէին թույլատրել հանդես գալ Անգլիայի հավաքականի կազմում, հաղորդում է Daily Mail-ը:
Պարբերականի տվյալներով՝ համապատասխան խնդիրը ստորագրել է ավելի քան 500 մարդ: Պլիմուտի քաղաքային խորհրդի ղեկավար Թյուդոր Էվանսը նշել է, որ խոսքը «պատմությունը վերանայելու» փորձի մասին չէ:
«Մենք չենք ասում, թե պետք է վերանայել պատմությունն ու մոռանալ Հոկինսին: Նա, անկասկած, զգալի ֆիգուր էր մեր ազգային պատմության մեջ»,-հայտարարել է Էվանսը:
Բրիտանիայում պատմությունը վերանայելու եւ ստրկատերերի կամ ռասիստական հայտարարություններ կատարածների արձանները հեռացնելու նախաձեռնությունների ալիքը սկսվել է Black Lives Matter շարժման կողմնակիցների բազմահազարանոց հանրահավաքներից հետո: Հակառասիստական արշավի ֆոնին բրիտանացի ակտիվիստները պատրաստել են հուշարձանների ցանկ, որոնք պատրաստվում են տապալել, ինչպես նաեւ կազմակերպությունների եւ փողոցների ցուցակ, որոնք կարիք ունեն անվանափոխման՝ ըստ ցուցարարների:
ԱՄՆ-ում մի շարք արձաններ են հեռացրել իշխանությունների որոշմամբ կամ տարերայնորեն տապալել են վերջին մի քանի շաբաթների ընթացքում զանգվածային ցույցերի ժամանակ, որոնք կազմակերպվել էին ոստիկանի կողմից Մինեապոլիսում աֆրոամերիկացի Ջորջ Ֆլոյդի սպանությունից հետո: Ցույցերի ժամանակ անդրադարձ էր կատարվել նաեւ ԱՄՆ-ում Քաղաքացիական պատերազմի ժամանակ ստրկատիրական Հարավի զինվորների եւ գեներալների հուշարձաններին, ինչպես նաեւ դեպի Ամերիկա ծովային ճանապարհը հայտնագործած Քրիստափոր Կոլումբոսի արձանին, որին ձախակողմյա ակտիվիստները մեղադրում են Ամերիկայի էթնիկ բնակչության ցեղասպանության մեջ:
1
2
3
4
5
1
2
5
1
2
3
5
