«Սահմանում իրավիճակը լարված է»․ ՊՆ նախարար
Հասարակություն
«Վստահ եմ, որ լուրջ վիրավորներ չունենք»,- երեքշաբթի լրատվամիջոցների ներկայացուցիչների հետ հանդիպմանը, անդրադառնալով սահմանում իրավիճակին, ասաց պաշտպանության նախարար Վիգեն Սարգսյանը: Նա նշեց, որ սահմանում իրավիճակը լարված է. «Սահմանում իրավիճակը լարված է ոչ առաջին օրը: Դուք գիտեք, որ շատ լայնամասշտաբ զորավարժություններ են անցնում Ադրբեջանում եւ ցանկացած զորավարժություններ բերում են նաեւ լարվածության աճ: Մշտադիտարկման ընթացքում բոլոր տվյալները ե՛ւ օպերատիվ, ե՛ւ հետախուզական, ե՛ւ մնացած տվյալները համադրելով գնահատում ենք իրավիճակը եւ դրա հիման վրա հրահանգավորում զորքերը իրենց անելիքների հետ կապված»: Վիգեն Սարգսյանը ասաց, որ գործողությունների վերսկսման անմիջական վտանգ չկա. «Մենք կառուցում ենք մեր աշխատանքը ելնելով նրանից, որ ունենք շատ անկանխատեսելի հակառակորդ, երկիր, որն անկանխատեսելի է ոչ միայն իր արտաքին, այլ նաեւ ներքին քաղաքականությամբ, երկիր, որն ունի 21-րդ դարին եւ մեր տարածաշրջանին անհարիր հռետորաբանություն եւ քարոզչություն, երկիր, որն ընտրել է թշնամիներ ստեղծելու եւ այդ թշնամիների դեմ պայքարի վրա սեփական քաղաքականությունը կառուցելու մոտեցում: Հետեւաբար՝ այդ տիպի երկրից միշտ պետք է սպասել ամեն ինչ թե՛ գիտակցված, թե՛ վերահսկողության թուլացման արդյունքում չնախատեսված սրումներ եւ լարումներ մենք դրան պատրաստ ենք»:
Ամի ՉԻՉԱԿՅԱՆ
1
2
3
4
5
1
2
3
4
5
2
4
