Նոր պաշտոնանկություն է սպասվում
Տնտեսություն
Վարչապետ Կարեն Կարապետյանի և ՏՄՊՊՀ նախագահ Արտակ Շաբոյանի ջրերը մի առվով չեն հոսում: Կարեն Կարապետյանի նշանակումից ի վեր խոսակցություններ են շրջանառվում, որ Արտակ Շաբոյանը պաշտոնանկ է արվելու: Շաբոյանը շարունակում է պաշտոնավարել, քանի որ նրա հովանավորյալն է նախագահ Սերժ Սարգսյանը, և վարչապետը ազատություն չունի նրա պաշտոնանկության հարցում: Կառավարության յուրաքանչյուր նոր նիստի ընթացքում Կարեն Կարապետյանը նախատում է ՏՄՊՊՀ նախագահին:
Կառավարության նոյեմբերի 18-ի նիստին վարչապետ Կարեն Կարապետյանն անդրադարձավ ՏՄՊՊՀ-ի կողմից 110 միլիոն դրամով տուգանված «Երևան-գարեջուր» ընկերությանը:
Վարչապետը նկատեց, որ չնայած Տնտեսական մրցակցության պաշտպանության պետական հանձնաժողովն անկախ մարմին է, սակայն դա չի խանգարում իրեն կարծիք արտահայտել:
Նա ՏՄՊՊՀ նախագահ Արտակ Շաբոյանին հորդորեց հանձնաժողովի ջանքերն ուղղել առաջնային սպառում ունեցող ապրանքների շուկա, որտեղ քաղաքացիների դժգոհություններն ավելի շատ են:
«Հորդորում ենք ջանքերն ուղղել առաջնային սպառման շուկա, որի վերաբերյալ հասարակությունից հնչող դժգոհությունները շատ են: Դա ավելի կարևոր է, քան գարեջրի շուկան, որտեղ կա լուրջ մրցակցություն»,- ասել էր Կարապետյանը:
Այս միջադեպից հետո սպասվում է, որ Կարեն Կարապետյանը անելու է ամեն ինչ, որպեսզի ազատվի Արտակ Շաբոյանից: Նա կարող է հեռանալ իր զբաղեցրած պաշտոնից՝ անգամ մինչև ՀՀԿ սպասվելիք համագումարը:
1
2
3
4
5
1
2
3
4
5
2
3
4
5
