Օգոստոսի աստղագուշակ

ԽՈՅ (Aries, 21.III–20.IV)

Շատ կարևոր կլինի օգոստոսի սկիզբը: Դա հենց այն շրջանն է, երբ կարելի է արժեքավոր տեղեկատվություն ստանալ, սովորել այն, ինչ շուտով լրիվ անհրաժեշտություն կդառնա, որոշակիություն մտցնել ապագայի ծրագրերում: Դուք ոչնչից չեք վախենա, դժվարությունների առաջ չեք նահանջի, կաշխատեք անկախ պայմաններից առաջ շարժվել: Հազիվ թե ինչ-որ մեկը կարողանա կանգնեցնել ձեզ, բայց որոշ մարդիկ կարող են նախանձել ձեր հաջողություններին ու ձեռքբերումներին: Նրանց հետ անհրաժեշտ է զգույշ լինել, քանի որ թիկունքից կարող են վնասել ձեզ:Ամսվա կեսին կարևոր գործեր կհայտնվեն, հեշտ չի լինի հասկանալը, թե ինչի վրա է պետք կենտրոնանալ, ինչն է առաջին հերթին ուշադրություն պահանջում: Հույս դրեք սեփական փորձի վրա: Շատ իրավիճակներ ձեզ կհիշեցնեն այն, ինչի հետ արդեն բախվել եք նախկինում: Ժամանակն ու էներգիան չեն հերիքի ընտանեկան գործերի, մտերիմների հետ շփվելու համար: Հարազատների հետ հարաբերություններն առավել լարված կդառնան, ամեն անգամ չեք ուզենա հարթել սուր անկյունները:

Օգոստոսի վերջը շատ նախաձեռնություններում հաջողություններ է խոստանում: Նոր հեռանկարներ կբացվեն, կոգևորվեք: Կուզենաք ամեն ինչին միանգամից հասնել և ամեն անգամ չեք լսի առողջ բանականության ձայնը, որը կհուշի, որ դա անհնար է:

ՁԿՆԵՐ (Pisces, 20.II–20.III)

Ամեն ինչ այնքան վատ չէ, որքան թվում է: Օգոստոսի ձեր գլխավոր խնդիրն այն կլինի, որ վատ տրամադրությանը, ձանձրույթին ու բարկությանը չտրվեք: Պարտադիր չէ շուրջը բոլորին լավատեսությամբ վարակեք, երբեմն նույնիսկ լավ է, եթե այդ լավատեսությունը ձեր ներսում պահեք: Բայց պետք չէ անհանգստանալ դատարկ բաների պատճառով, տրվել մռայլ մտքերին ու չափազանց երկար մտորել այն խնդիրների շուրջ, որոնք կարող են ծագել, առավել ևս, որ դա քիչ հավանական է:

Հաճախ դուք այնպիսի իրավիճակներում կհայտնվեք, որոնք ձեզ այնքան էլ դուր չեն գա: Դժվարությունը նաև նրանում է, որ կարևոր կլինի իրական զգացմունքները ցույց չտալը, հնարավորինս բարեհամբույր լինելը: Մեծ մասամբ դա ձեզ կհաջողվի անել, բայց երբեմն ստիպված եք լինելու լեզուն ատամների հետևում պահել:
Ամսվա վերջը հանգիստ կանցնի: Այն հարմար է մտածելու, երազելու, նոր բան հորինելու համար: Հազիվ թե այս շրջանի ձեր բոլոր գաղափարներն իրագործեք. ինչ-որ բան կստացվի, իսկ ինչ-որ բան՝ ոչ: Դուք ինքներդ էլ դա կհասկանաք: Բայց երևակայությանը տրվելը հաճելի կլինի, հատկապես, երբ կողքին լինեն մարդիկ, որոնք կհիանան ձեզնով ու ձեր մտքերով: