Աշխատանք՝ Տիգրան Ավինյանի գրասենյակում․ աշխատակազմը հայտարարում է մրցույթ

Վարչապետի աշխատակազմը հայտարարում է մրցույթ՝ Փոխվարչապետ Տիգրան Ավինյանի գրասենյակի գործունեության շրջանակներում փորձագետների ներգրավման համար:

Ծրագիրը իրականցվում է ԱՄՆ միջազգային զարգացման գործակալության (այսուհետ` ԱՄՆ ՄԶԳ) աջակցությամբ, որի շրջանակներում նախատեսվում է Փոխվարչապետ Տիգրան Ավինյանի՝ որպես գլխավոր տեղեկատվական համակարգողի գրասենյակի (այսուհետ` Գրասենյակ) համակարգման ոլորտում իրականացվող աշխատանքներում փորձագետների ներգրավման հնարավորություն 10-ամսյա ժամկետով:

Փորձագետ 1: Աշխատանքների կազմակերպման մասնագետ

Փորձագետին ներկայացվող պահանջները
• Կրթություն տեղեկատվական տեխնոլոգիաների կամ հարակից այլ ոլորտներում.
• Առնվազն 5 տարվա փորձ ՏՏ, բիզնեսի, ֆինանսների կամ հարակից ոլորտներում.
• Համակարգչային ճարտարագիտության, անվտանգության, ցանցի, համակարգի կառավարման և տվյալների բազաների հետ աշխատելու գերազանց հմտություններ.
• Վերլուծական, ծրագրերի կառավարման և պլանավորման գերազանց հմտություններ.
• Բազմամասնագիտական թիմի հետ աշխատելու ունակություն.
• Հայերենի և Անգլերենի գերազանց իմացություն.
• Ռուսերենի իմացությունը ցանկալի է:

Կատարվող աշխատանքի բնույթը

• Փոխվարչապետի խորհրդականի և Գլխավոր տեղեկատվական համակարգողի թիմի (այսուհետ՝ Համակարգող թիմ) վերահսկողության և համակարգման ներքո աշխատանքների իրականացում՝ արդյունքների ժամանակին և արդյունավետ ներդրմամբ` փաստաթղթերի և աշխատանքային պլաններին համապատասխան, ներառյալ նոր ՏՏ համակարգերի նախագծման և ներդրման աշխատանքների իրականացում.
• ՏՏ համակարգեր արդյունավետության մշտադիտարկում և ենթակառուցվածքների բարելավման վերաբերյալ առաջարկությունների ներկայացում գործող օրենսդրության շրջանակներում.
• Պետության կողմից մատուցվող ծառայությունների բիզնես գործընթացների վերլուծություն և ՏՏ կարիքների համար առաջարկությունների մշակում.
• Ծրագրերի ընթացքի կառավարում օգտագործելով համապատասխան կատարողականի հիմնական ցուցանիշները, չափումները, գործիքները և դրանց հիման վրա Համակարգող թիմի համար կատարողականի նախապատրաստում.
• Բիզնես նպատակների և կարիքների գնահատում.
• Ծրագրի ընթացքի և կարգավիճակի, իրականացվող աշխատանքների և հանձնարարությունների վերաբերյալ զեկույցների պատրաստում.
• Շահառուների հետ քննարկումների և խորհրդակցությունների կազմակերպում.
• Առանձին հանձնարարությունների և առաջադրանքների կատարում:

Փորձագետ 2: Իրավաբան-փորձագետ

Փորձագետին ներկայացվող պահանջները
• Առնվազն 5 տարվա մասնագիտական աշխատանքային փորձ.
• Իրավական ակտերի նախագծման, ներառյալ ենթաօրենսդրական ակտերի մշակման, փորձառություն.
• Պետական կառավարման համակարգի մարմինների հետ աշխատելու փորձ.
• ՀՀ իրավական տեխնիկայի կատարյալ իմացություն.
• Էլեկտրոնային կառավարման, անձնական տվյալների պաշտպանության և հարակից ոլորտային իրավական ակտերի իմացություն.
• Հայերենի կատարյալ իմացություն.
• Անգլերենի և ռուսերենի իմացությունը ցանկալի է:

Կատարվող աշխատանքի բնույթը

• Օրենսդրական դաշտի վերլուծություն, բացերի վերհանում թվային փոխակերպման, էլեկտրոնային կառավարման և նորարարության ոլորտներում.
• Էլեկտրոնային կառավարման և թվայնացման ոլորտում օրենսդրական փոփոխությունների իրականացման նպատակով առաջարկությունների փաթեթի մշակում.
• ՀՀ-ում թվայնացման և ծառայությունների մատուցման ոլորտներին առնչվող իրավական ակտերի վերանայում.
• Համակարգող թիմի հետ սերտորեն համակագործակցում իրականացվող աշխատանքների շրջանակում.
• Շահառուների հետ քննարկումներին և խորհրդակցություններին մասնակցություն: 

Ավելին այստեղ