Ֆրանսիան գրասենյակներում դիմակ կրելը պարտադիր կդարձնի
ԱշխարհՏարբեր երկրներում վերջին շաբաթների ընթացքում կորոնավիրուսի դեպքերի աճ է արձանագրվել: Այդ աճի ֆոնին Ֆրանսիան սեպտեմբերի 1-ից գրասենյակներում դիմակ կրելը պարտադիր կդարձնի:
France 24-ի փոխանցմամբ՝ Ֆրանսիայի աշխատանքի նախարարը հայտնել է, որ արձակուրդից վերադարձողները գրասենյակներում պետք է դիմակ կրեն, այդ թվում՝ միջանցքներում, աշխատաժողովների սենյակներում:
Նման որոշման համար հիմք է հանդիսացել այն, որ Ֆրանսիայում օրեր առաջ 1 օրում արձանագրվել է կորոնավիրուսի շուրջ 3000 նոր դեպք: Նման ցուցանիշ չէր գրանցվել մայիսից ի վեր:
Ֆրանսիայում հանրային տրանսպորտում և հասարակական փակ տարածքներում, օրինակ՝ խանութներում, դիմակ կրելն արդեն պարտադիր է, սակայն այս օրենքը չէր գործում գրասենյակների համար և թողնված էր աշխատակիցների հայեցողությանը:
Բժշկական ոլորտի որոշ մասնագետներ բաց նամակով քննադատել էին այս պրակտիկան՝ նշելով, որ փակ տարածքում վիրուսն ավելի հեշտ է կուտակվում:
Ջոն Հոփկինսի համալսարանի տվյալներով՝ Ֆրանսիայում մինչև օրս կորոնավիրուս է հայտնաբերվել 221.267 մարդու մոտ, որոնցից 84.065-ը բուժվել է, 30.451-ը՝ մահացել:
1
2
3
4
5
1
2
3
4
5
1
2
3
4
5
