Կիպրոսում արգելել են համբուրվել հարսանիքների ժամանակ
ԱշխարհԿիպրոսի իշխանությունները կորոնավիրուսի տարածման կանխարգելման նպատակով հարսանիքների և մկրտության արարողությունների ժամանակ արգելել են համբուրվելը, գրկախառնվելը և պարելը: Այս մասին հաղորդվում է երկրի առողջապահության նախարարության կայքում:
Այժմ համբուրվել կարող են միայն նորապսակները, իսկ հյուրերը պետք է հրաժարվեն ողջագուրվելուց և շնորհավորանքներից: Արգելված են նաև ձեռքսեղմումները:
«Շնորհավորանքների և ընդունելությունների ժամանակ ներկաների թիվը չպետք է գերազանցի ժամում 250 մարդը: Օրինակ, եթե հրավիրվածների ընդհանուր թիվը հազար է, ապա շնորհավորանքների և ընդունելության համար ծախսվող նվազագույն ժամանակը պետք է լինի չորս ժամ»,- գրում է նախարարությունը:
Ճաշկերույթին կարող է մասնակցել ոչ ավելի, քան 350 մարդ: Միևնույն ժամանակ, սեղանները պետք է այնպես դասավորվեն, որ հյուրերը պահպանեն սոցիալական հեռավորությունը:
Սահմանափակումները ուժի մեջ կմնան մինչև 2021թ.-ի հունվարի 15-ը: Կիպրոսում կորոնավիրուսով վարակվել է 1.395, մահացել՝ 21 մարդ:
Ավելին՝ այստեղ
1
2
3
4
5
1
2
3
4
5
2
3
4
5
