Հայտնի է Ճապոնիայի նոր վարչապետի ընտրության օրը
ԱշխարհՈւրբաթ հրաժարականի մասին հայտարարած Սինձո Աբեի հեռանալուց հետո Ճապոնիայի իշխող Լիբերալ-դեմոկրատական կուսակցության ղեկավարի պաշտոնի թեկնածության համար քվեարկությունը նախատեսվում է անցկացնել սեպտեմբերի 14-ին, իսկ վարչապետի ընտրության համար խորհրդարանի արտահերթ նիստը պետք ա անցկացվի սեպտեմբերի 17-ին, հաղորդում է Կիոդո գործակալությունը՝ հղում անելով կառավարական շրջանակում աղբյուրներին։
«Խորհրդարանի արտահերթ նիստը նախատեսվում է անցկացնել սեպտեմբերի 17-ին։ Ներկայում Լիբերալ-դեմոկրատական կուսակցությունը կատարում է վերջին նախապատրաստական աշխատանքները առաջնորդի թեկնածության քվերակության համար»,-ասվում է գործակալության հաղորդագրության մեջ։
Ուրբաթ Ճապոնիայի վարչապետ Սինձո Աբեն հաստատել է, որ որոշել է հրաժարական տալ։ Աբեի խոսքով՝ ութ տարի շարունակ, երբ նա զբաղեցրել է Ճապոնիայի վարչապետի պաշտոնը, «նրան հաջողվում էր պայքարել հիվանդության դեմ (քաղաքական գործիչն ունի խոցային կոլիտ), սակայն հունիսին հայտնաբերվել է, որ հիվանդությունը դարձյալ ակտիվացել է։ Այդ հիվանդության պատճառով 2007 թվականին Աբեն ստիպված էր հրաժարական տալ վարչապետի պաշտոնում մեկ տարի աշխատելուց հետո։ Սակայն այնուհետեւ նրա վիճակը կայունացել էր, եւ 2012 թվականին նա վերընտրվել էր այդ պաշտոնում։
Իշխող Լիբերալ-դեմոկրատական կուսակցության առաջնորդի պաշտոնի հիմնական թեկնածուներն են Ճապոնիայի նախկին ԱԳ նախարար Ֆումիո Կիսիդուն, Ճապոնիայի կառավարության գլխավոր քարտուղար Յոսիխիդե Սիգուն եւ Սիգերու Իսիբուն, որը տարբեր տարիներին զբաղեցրել է պաշտպանության, գյուղատնտեսության, տարածաշրջանային զարգացման նախարարների պաշտոնը։
1
2
3
4
5
1
2
3
4
5
2
3
4
5
