«Մոռացեք քաղաքական հետապնդումների մասին». Արցախի նախագահի այս հայտարարությանը լրագրողը փաստեր բերեց
Բաց մի թողեքՉի լինելու որեւէ միջամտություն դատական ու դատախազական մարմինների աշպխատանքին: Այս մասին այսօր՝ սեպտեմբերի 2-ին, լրագրողների հետ հանդիպման ժամանակ նշեց Արցախի նախագահ Արայիկ Հարությունյանը:
«Գերագույն դատարանի նախագահի հետ հանդիպել եմ մեկ անգամ եւ որոշել ենք այլեւս չհանդիպել: Օրենքով կա պատիժ դատական իշխանության գործերին միջամտելու համար: Եթե դատական համակարգն առողջ չէ, մենք բոլորս միասին պարտավոր ենք պայքարել դրա դեմ: Ամենաշահագրգռված անձ դատական իշխանության անկախության ապահովման ես եմ»,-ասաց նա:
Դիտարկմանը, որ վերջին շրջանում Արցախում ոստիկանությունում շատացել են մարդկանց խոշտանգելու դեպքերը, նաեւ հետապնդումներ են սկսվել, այդ թվում Արցախի նախագահի հարազատների կողմից, Արայիկ Հարությունյանն ասաց. «Արցախում բոլորն իմ բարեկամներն են, դու նույնպես: Այն պաշտոնյան, որը բռնություն է կիրառելու, իր ենթակայի նկատմամբ ոչ վայել վերաբերմունք է ցուցաբերելու, աշխատանքից ազատվելու է, քանի որ իրենց նշանակողը ես եմ:
Ինչ վերաբերում է հետապնդումներին, ասեք տեսնեմ՝ ում ենք հետապնդել: Մոռացեք քաղաքական հետապնդման մասին»:
Լրագրողը հակադարձեց. «Ոնց մոռանանք, որ ինձ աշխատանքից հեռացրել են, կնոջս աշխատանքից հեռացրել են, կնոջս էլ համալսարանից են հեռացրել: Եվ դա կատարվում է ձեր բարեկամների կողմից»:
Արցախի նախագահը խոստացավ ծանոթանալ գործերին եւ եթե իր անելիքը այդտեղ կա, անպայման միջամտել:
1
2
3
4
5
1
2
3
4
5
1
2
3
4
5
