Ռոբերտ Քոչարյանը մտահոգված է Հայաստանի եւ Ռուսաստանի հարաբերությունների ընկալմամբ
Բաց մի թողեքՀՀ երկրորդ նախագահ Ռոբերտ Քոչարյանը մտահոգված է Հայաստանի եւ Ռուսաստանի հարաբերությունների ընկալմամբ: Այս մասին նա ասել է «ՌԲԿ»-ին տված հարցազրույցում:
«Գիտեք՝ ինչն է ինձ այժմ մտահոգում: Ռուսաստանի եւ Հայաստանի հարաբերությունների ընկալումը: Հայ-ռուսական հարաբերությունները ընդունվում են որպես դարերով հաստատված հարաբերություններ: Այդպես եղել է, այդպես կմնա միշտ»,-ասել է նա:
«Եվ ոչինչ դրա չի խանգարի»,-նկատել է լրագրողը, ինչին Ռոբերտ Քոչարյանն արձագանքել է. «Դրան բացարձակ համաձայն չեմ»:
«Ինչո՞ւ»,- հարց է ուղղել լրագրողը:
«Ցանկացած հարաբերություն ջանքեր, ժամանակ, էներգիա, էմոցիաներ է պահանջում: Ինչու եմ դա ասում: Այդ հարաբերությունները մեր գրականության, արվեստի մի մասն են դառնում: Այսինքն՝ միջպետական հարաբերություններում այդ բաղադրիչը ներթափանցում է որոշակի մշակութային շերտեր, որոնք մարդիկ թողնում են իրենցից հետո, եւ այդ պատճառով իներցիան այստեղ մեծ է: Սակայն դա չի նշանակում, որ չպետք է դրա վրա աշխատել, այլապես 1-2 սերունդ անց կպարզվի, որ այն մնացել է միայն մշակութային շերտերում»,-նշել է նախկին նախագահը:
«Մենք դա նկատում ենք Վրաստանի օրինակով, երիտասարդները չեն խոսում ռուսերեն»,-նկատել է լրագրողը:
«Անկասկած, գեղեցիկ է հնչում «Ազգերի բարեկամություն» կարգախոսը, սակայն , ըստ էության, այն դատարկ է: Պետք է էներգիա եւ ուժ գործադրել այն սնելու համար»,-եզրափակել է Քոչարյանը:
1
2
3
4
5
1
2
4
1
2
3
4
5
