Նիկոլ Փաշինյանը հայտնել է Հնդկաստանից Արցախի անկախությունը ճանաչելու ակնկալիքի մասին
Քաղաքականություն
ՀՀ վարչապետ Նիկոլ Փաշինյանը հնդկական WION հեռուստաընկերությանը տված հարցազրույցում անդրադարձել է հարցին, թե ինչ է ակնկալում Հնդկաստանից և, ընդհանրապես, միջազգային հանրությունից Արցախի դեմ Ադրբեջանի և Թուրքիայի ագրեսիան կանգնեցնելու հարցում։
«Ինչ ակնկալում եմ միջազգային հանրության մյուս ներկայացուցիչներից, ակնկալում եմ նաև Նյու Դելիից. արձանագրել, որ Թուրքիան կազմակերպել է ահաբեկիչների և վարձկանների տեղափոխումն Ադրբեջան, և առանց Թուրքիա այդ պատերազմը չէր սկսի: Արձանագրել Ադրբեջանի և Թուրքիայի ահաբեկչական խմբավորումների նախահարձակ գործողությունները, արձանագրել, որ Լեռնային Ղարաբաղի հայությունը գտնվում է գոյութենական վտանգի առաջ, ցեղասպանության վտանգի առաջ և այս համատեքստում կիրառելի համարել «անջատում հանուն փրկության» (remedial secession) բանաձևը Լեռնային Ղարաբաղի համար և ճանաչել նրա անկախությունը», ասել է վարչապետը։
Հարցին, թե որքա՞ն երկար պատերազմը կարող է շարունակվել, արդյոք երկարատև պատերազմի է հայկական կողմը նախապատրաստվո՞ւմ, Նիկոլ Փաշինյանն ասել է, որ Լեռնային Ղարաբաղի հայությունը մինչև վերջ պիտի պայքարի իր անվտանգությունը պաշտպանելու համար: «Բայց ես հույս ունեմ, որ մեր գործադրած դիվանագիտական ջանքերը րոպե առաջ կկանգնեցնեն պատերազմը»,- ասել է նա:
1
2
3
4
5
1
2
3
4
1
2
3
4
5
